Niederrheinische Liederhandschrift von 1574

[fol. 113r]

[O Venůs noet]

1. O Venůs noet
Wie Krenckesthů mich so hart,
Mein hertz ligt mir in angst vnnd noet,
Aůch ist mein sin so gar versthůrt,
Das ich nicht weis war in ob aůß
Gegen dem ich trage,
vnnd zemlich klage,
vnd můes in den noch meidenn,
Hertzallerliebster mein
Wie mag es sein,
das ich mag sůlchs erleidenn.

2. Der seinem boelen ist vnderthaen,
nicht drůcklich ist von hertzen holt,
Dem wůnsch ich all das hertze leidt
So lang als ich ihm dienen sollt,
Sey wie den sey
Steit aůch dabey
Sein lof ist hoech gemessen,
von ihm allein,
vnnd anders gein
Jn Ewigheit sey seiner vnůergessenn.

[fol. 113v]

 

 

 

3. Merck hertzlieb Merck

 

dů bist der rein

 

Es sall noch allem deinem gefallen sein,

 

Dů weis wanneh vnnd wan es was,

 

das ich dir gab das hertze mein,

 

Jn dienstlicheit

 

was ich bereidt,

 

Es magh nicht anders wesen,

 

Het ich gewalt,

 

Zů thaůsent falt

 

So bliebstů mein troester hir vf erdn.