Niederrheinische Liederhandschrift von 1574

[fol. 111v]

[Wiewol ich jetz im ellendt bin]

1. Wiewol ich jetz im ellendt bin,
Nochtannigh hab ich einen stedigen sin
Hoffnůng thůet mich ernehrn
Was mir von Gott bescheret ist
Das kan mir gein Kleffer nicht Wehrenn.

2. Es hat der Falscher zůngen so vill,
Jch hoffn es soll innen nicht helffen vill,
Gott ist noch vill gnedenn,
Dem ich mich gantz vnnd gar ergeb
Er wirdt mich wol bhůeten.

[fol. 112r]

 

 

 

3. Mein hertz ist bdrůebet sehre

 

Der liebe Gott woll es zům be[ste]n kehrenn,

 

Jch Fahr darhin mit schmertzenn,

 

Jch sehenn das ich es nicht wenden kan,

 

Gott troeste alle betrůebte hertzen.

 

 

 

4. Zeůchstu nů hin vnnd lest mich hir,

 

Was lesthů mir zůr letzenn hir,

 

das ich meines leidens vergessenn,

 

Stede lieb vnnd stedigheit,

 

laes ich dir zů der letzenn.

 

[fol. 112v]

 

 

 

5. Der vns diß liedlein ihrstmal sanngk,

 

Einn Freie Stůdent ist er genannt,

 

Er hat es gar wol gesůngenn,

 

Er hat ein fein Braůnsmedtlein lieb,

 

Zů ihr kůnt er wol komhmen.