Niederrheinische Liederhandschrift von 1574

[fol. 33r]

[Gůet Henßlein vber die heidt vßreidt]

1. Gůet Henßlein vber die heidt vßreidt
Er schoes nach einer taůbe,
Doe straůchelthe im sein Appelgraes Roeß
Woll vber einn Eicheln stůdenn.

2. Och roslein laeß dein strůechelen sein
Dů moes mich weiters traegenn,
Dů moes mich vber die heidt aůstraegenn,
Zů meinem stedigen boelenn.

[fol. 33v]

 

 

 

3. Solt ich dich vber die heidt aůßtraegenn

 

Zů deinem stedigen boelen

 

Dů satz mich neichten Aůendt in einen stall,

 

vnngessen vnnd vnngetrůnckenn.

 

 

 

4. Satz ich dich nechten in einen stall,

 

Vnngessenn vnnd vnngetrůncken

 

So geb ich dir aůch keinn Foeder nicht mehr

 

Es sey drey mall geschwůngen.

 

[fol. 34r]

 

 

 

5. Wie Henslein vber die heidt aůsreidt

 

Doe begegennt im sein boelenn

 

Kehr weder Kehr weder mein Feines schon lieb

 

Der windt der wehet so kůele.

 

 

 

6. Der wint en wehet so koele nicht,

 

mich hatt noch nie gefroerenn

 

Verloerenn hab ich meine Roesen krantz

 

Denn will ich wederůmb haelenn.

 

[fol. 34v]

 

 

 

7. Hastů verloeren dein Roesenn krantz

 

Wiltů den wederůmb hoeln,

 

Den Sondagh komen die kremer in das Landt

 

Die brengen vns woll newenn.

 

 

 

8. Sei brengen vns die newen nicht,

 

Sey brengen vns die altenn

 

Setz vf Braůnsmedtlein ein schleůerlein weis

 

Vnnd laes es den lieben Gott waltten.