Niederrheinische Liederhandschrift von 1574

[fol. 31v]

[Nu segen dich Gott, mein schoenes lieb]

1. Nu segen dich Gott, mein schoenes lieb
Woltt dich vnnd mich behůetenn,
Jch schlaif ich wach oder was ich mach
Sey licht mir inn dem hertzenn.

2. Vnd wan ich dan zů dem dantz soll gahnn
So sehenn ich mich herůmme
Ob die hertzallerliebste mein
Ob sey dar nit enn stůnde.

[fol. 32r]

 

3. So springt sei fur mich ahnn denn dantz

 

Recht wie der morgen sternn,

 

Mein hertz ist Jůngk vnnd erfrewet sich,

 

Mein aůgen sehenn sey gerne.

 

 

 

Schwartze farb so dregett sey ahnn,

 

Schwartz so sehenn ich gerne

 

Mein hertz ist Jůngk vnnd frewdenn voll

 

Mein aůgen sehenn sey gerne.

 

[fol. 32v]

 

 

 

4. Mocht ich ein winter langenn tagh,

 

Bey der hertz allerliebster sitzen

 

Vnnd wer der winter schoen noch so kaltt

 

Vonn frewdenn so moist ich schwittzenn.

 

 

 

5. Mocht ich ein winter Lannge nacht,

 

Bey der hertzallerliebster kůesen,

 

vnnd wehr der Schne schonn kniees thieb

 

Noch blůeten vns die Roesenn.