Nieu groot Amstelredams liedt-boeck
(1605)–Anoniem Nieu groot Amstelredams liedt-boeck–
AuteursrechtvrijInhoudende Alderhande Tafel, May, ende andere Amoureuse Liedekens seer vermaeckelijck voor alle Ionge Lieden
Op de wyse: Gheeft my te drincken nae myn dorst.Ghy onbedochte Ieucht seer slecht
Die hier in s’weerelts lust compt kijcken,
Eer ghy u wel versint te recht
Gaet schoon samblant d’oogen uyt strijcken
Met domme vreucht en haer practijcken,
Quade natuer comt u te baet,
En leert u die wijsheyt te wijcken,
Door jonckheyts daet, reden ghy haet.
Vrijdt ghy een Dochter in u jeucht
Let op haer vromicheyt tot eeren,
Oock op haer ouders, en haer deucht,
Niet op haer cierlijcke cleeren,
Daert jeuchdich hardt d’oog na doet keeren
Neemt vry eer jonck liever dan oudt,
Om u gheslachten te vermeeren,
Tis haest ghetrout, dat langh berout.
| |
[pagina 173]
| |
Ghy Dochters fier vroom opghevoet
Van Ouders eerlijck van namen,
De welcke ghy seer sorghen doet
Bewijstse danck al nae t’betamen,
Laet sonder haer u niet beschamen,
Wacht u voor eenich ongheval,
Soo sal u niemant connen blamen,
Want d’Ouders sorgh gaet boven al.
Comt u een Vryer int ghemoet
Al is hy niet wel uws ghelijcke,
Spreeckt hy wel gheeft hem woorden soet,
Laet net u wesen vrientschap blijcken,
Goden en sal u niet beswijcken,
Al spreeckt hy wat neemt ghy’t verdrach,
Den slechten doet als den rijcken,
Tis quaet datmen niet hooren mach.
Hebt ghy een Lief die u bemint,
Doet niet buyten u Ouders weten,
Kent haer voor al wat ghy begint,
Swijght voor haer niet uwe secreten,
Begint met raet zyt niet vermeten,
De liefd’ is blint end’ heel vermomt,
Die u goet doen wilt niet vergeten,
Buycht voor den boom daer t’goet van Princen en ghy Princessen goet, comt
Neemt doch in danck dit cleen verhalen,
Gedoocht ghy t’suer, ghy crijcht het soet
Hebt patiency ten sal met falen,
Wilt op dees rijm doch gheensins smalen,
Laet in u groeyen Liefd’ boven al,
Reden gheruyckt in u vertalen,
Dus blijft courtois ende loyael.
|
|