Nieu groot Amstelredams liedt-boeck


[Schoon bloemken uytghelesen]
Op de wyse, Adieu reyn bloemken rosiere. Schoon bloemken uytghelesen Aenhoort myn claghen groot Van u can ick niet wesen My dunckt ick sterf den doot: Troost my schoon lief tis noot In desen swaren aenstoot, Want ghy cont my doch helpen, Het lyden en commer stelpen Door ghenade bloot. Wilt hem ghenade gheven, die u bemint voorwaer want in myn hart verheven Staet ghy lief en gheen aer Door u Bruyn ooghen claer // en ooc u geele haer Maer in u heb ick behaghen, En wilt om u al waghen Lijf goet, t’valt my niet swaer. Och lief weest niet als steene Verhart in uwen gront Maer hoort doch myn gheweent, Schoon lief maeckt my ghesont, Want u schoon rooder mont, en u borstkens ront Die doen my t’herte verblyden Waer deur ick stel besyden, Alle droefheyt tot deser stont. Oorlof Princesse ghepresen Wilt doch ghedachtich zijn
[pagina 140]
Vwen dienaer midts desen, Die ghy aen doet groote pijn, En acht gheen nijders fenijn Schoon int aenschijn Want sy was valsch van binnen En maeckt twist op onverwinnen Daer twee goe liefkens te samen zijn