Nieu groot Amstelredams liedt-boeck


[Seer vast int hart gheprent]
Stemme: Fortuyn eylaes bedroeft. Seer vast int hart gheprent Heb ick op dit termijn Een suyver maechdeken jent Eaer door ick lyde pijn Om datse my begeeft die edele maget soet, Waer door myn hart beeft, En roept om troost met spoet. Ist dat de liefste soet, my niet wil troosten siet En ic haer derven moet, so verdwijn ic heel tot niet Ghelijck de snee opt velt, Smelt van der sonnen schijn, So ist met my ghestelt, Crijgh ick gheen medecijn. Mocht ick doch eens voorwaer Comen in haren sin, so soud’myn lyden swaer Verslijten daer ic bin, maer lacy neen ic niet Sy acht op my niet een hayr Waerom ick int verdriet Blijf nu t’is openbaer. Och lief weest niet verhert In uwen grammen moet, Maer u dienaer expaert, gheeft troost met woorden soet Die ghy seer wel behaecht
[pagina 139]
En wilt hem niet afgaen Maer hem goe jonste draecht, Soo mach hy troost ontfaen. Nu bid ick u reyn Princesse Dat ghy niet en verlaet, Maer wilt myn schoon maistresse Doch altijt comen te baet En acht gheen nijders boos, Schoon lief hoort myn bediet Soo sal ick u altoos Lief singhen een vrolijck liet.