Nieu groot Amstelredams liedt-boeck

Inhoudende Alderhande Tafel, May, ende andere Amoureuse Liedekens seer vermaeckelijck voor alle Ionge Lieden

[Peynst om my schoon lief ghepresen]

Op de wijse. Schoon lief ghy zijt kijn troost alleyne,

Peynst om my schoon lief ghepresen
In mijn hart staet ghy geprent, etc.
Eerbaer en schoon zijt ghy van wesen
Ter werelt geen so jent
Eerlijck en partinent,
Zijt ghy schoon bloem verheven
Wilt my doch troost gheven
Haest u liefken comt my beneven.

En dan soo mach ick vreuchd vermeeren

Reyn uytvercoren greyn, etc.
Recht als een die niet aller eeren
Eens is vertroost certeyn
Op u schoon bloem alleyn
Staet al myn betrouwen
Soete lief aen my, wilt u doch houwen, etc.
Ontgaen moet dan alle myn rouwen.

Om u schoon lief is al myn jaghen

[p. 138]

 

Niemant dan ghy voorwaer, etc.

 

Van schoonheyt my so sal behaghen

 

Als ghy sult lief eerbaer

 

Lief laten wy te gaer,

 

Tsamen eens vreucht oorboren

 

Keert u tot my liefken uyt vercoren,

 

Dan so moet alle myn druck versmoren.

 

Noyt gheen princesse soo fier en schoone

 

Bemint stont in mijn sin, etc.

 

Van Venus spant sy verdt de croone,

 

Beyn lief ick u bemin,

 

Crijgh ick u tot ghewin

 

Dat my u mach ghebeuren

 

Hey dan en heb ick gheen treuren,

 

Bequaem en lieflijck zijt ghy taller uren.