Nieu groot Amstelredams liedt-boeck


[Schoon lief ghy zijt myn troost, alleyne]
Stemme: Pour vng playsier. Schoon lief ghy zijt myn troost, alleyne Vercoren boven al, vercoren Ghy spijst ziel en lijf int ghemeyne Hier is dit eertsche dal, hier in, etc. Dese nijders geschal, met haer boose treken Sy beletten my myn lief te spreken, sy, etc. T’welck ick my wel beclaghen sal. Schoon lief wat soudt my mogen baten, Ter werelt menich pont, ter werelt, etc. En ick u dan sou moeten laten, So waer ic gantsch doorwont, so waer, etc. In mijns liefs rooder mont, Is noyt bedroch ghevonden Dat mach ick liefken wel oorconden, etc. Alst u belieft maeckt my ghesont. Schriftuere lief is uwen name, Al wort ghy seer benijt, al wort, etc. T’onrecht soud’ ick my moghen schame, Want ghy die liefste zijt, want ghy, etc. En sonder u jolijt, War sal ick gaen beginnen, Helpt my schoon lief den strijdt gewinnen, etc. In desen mynnen strijdt. Schoon lief ghy hadt my uytvercoren, Al eer ick u verkoos, al eer ick u, etc. Ghy socht my daer ick was verloren Daer ick lach troosteloos, daer ick lach, etc. Alle myn wonden voos Hebt ghy gheheel ghenesen Met wijn en olie gepresen, etc. Dies ick u lief voor een ander vercoos.