Nieu groot Amstelredams liedt-boeck
(1605)–Anoniem Nieu groot Amstelredams liedt-boeck–
AuteursrechtvrijInhoudende Alderhande Tafel, May, ende andere Amoureuse Liedekens seer vermaeckelijck voor alle Ionge Lieden
Op de wijse: Almangie. Oft, O werelt vol valsch behagen.Laet my nu troost ontfanghen,
Van u met soet verlanghen,
Mijn pijn en swaer verstranghen
Sult ghy doen cesseren,
Wilt alle valsche slanghen:
De welcke gaen haer ganghen
| |
[pagina 132]
| |
Aen u niet laten hangen, maer wiltse van u keeren
want sy nu rechte voort,
Niet soecken dan discoort
Ick woude dat haer de moort
Al sloech sonder confoort
S osouden wy vermeeren, en alle vreucht hanteren
Die nijders gaen verneeren
Met also soet accoort.
Wilt ghy nu nz genesen, mijn hart benaut met vresen
So sal ick corts nae desen
Den doot al moeten smaken,
want u reyn eerbaer wesen
T’welck moet worden ghepresen
Dat heb ick uyt ghelesen,
Hoe sal ick daer aenraken
Ghy zijt dach ende nacht, altijt in myn gedacht
Och had ick doch verpacht,
Vrou Venus groote cracht // soos oude ick u ghenaken
Na niemant anders haken
Dus wilt my doch niet laken
Of ick in liefden versmacht.
Mach ick niet deerlijck claghen
Dat ick het pack moet draghen
Het sal myn hart deurknaghen
wilt sy my niet verhooren
Quam ick in haerbehagen, by nacht of by dagen
Ick sou noch vrfeuchde ghewaghen
Maer liefde doet my versmooren
Tis my een groote pijn, dat ick van haer moet zijn
want haer claer aenschijn, doorstraelt dat harte mijn
Ghy weet lief van te voren,
Dat ic sou zijn verloren, en ghy met scharpe sporen
Doorstaeckt dat hertem mm.
Princesse lief verheven, wilt my nu geven tleven
want niemant macht my gheven
Dan ghy tot deser stonden
Tot u werd ick ghedreven,
Door kermen en door beven,
En laet my doch niet sneven,
Maer heelt myn diepe wonden,
| |
[pagina 133]
| |
Aenhoort doch myn gheween
Weest niet ghelijck een steen
want u en anders gheen
Lief ick int harte meen
Dan u hoort mijn vermonden
Aen u ben ick ghevonden
En ghy hebt my verlonden
Ghy breeckt myn hart ontween.
|
|