Eenen nieuvven Antwerpschen liekens-boeck

[p. 29]

 

Den minnaer door de min

 

Hem gheerne cieren sou

 

En dit al om ’t ghewin

 

Van sijn liefste ghetrou.

Een Amoureus Liedeken,

Op de wijse: Mijn beminde blom.

WEl op mijn uytvercoren dier,
Die mijn ionck hert beswaert,
Om u gaen ick verloren schier
Toont my der liefden aert
Comt met vlijt
Inden strijt
Wilt mijn iocnk hert gheven raet
En besiet
Mijn verdriet
Eert my aen mijn leven gaet
Schoone creatuer
Wilt mijn lijden suer
Eens verblijden puer
Schoon lief zijt doch ghedachtich wel,
Wat reyne liefde doet,
Vrou Venus stralen crachtich snel,

[p. 30]

 

Ontsteken vleesch en bloet,

 

D’welck meest

 

Mijnen gheest

 

Suchten ende treuren, doet,

 

Door de smert

 

In mijn hert,

 

Die my nu ghebeuren, moet

 

Wilt my helpen want

 

Sonder onderstant

 

Smilt ick inden brant.

 

Schoon lief by u te wesen, vry

 

Is my een medecijn,

 

Want ghy kont my ghenesen bly,

 

En dat op kort termijn,

 

Maghet reyn,

 

Die ick meyn,

 

Min ick in ghestadigheyt

 

Eer en deught

 

My verheught

 

Toont my toch ghenadicheydt,

 

Mijn beminde Caer

 

Troost uwen dienaer

 

Wt liefden eerbaer.

 

Schoon lief wilt ghy uyt minnen, claer

 

Toch comen my te baet

 

Troost doch mijn droeve sinnen, swaer

 

Eer dat het valt te laet

 

Eer ick saen

 

Dolen gaen

 

Naer een onbekinde wijck

 

Ghelijck de

 

Schoon Thisbe

 

En Pyramus mindelijck

 

Die deur desen noot

 

Beyd’ stierven de doot

 

In ellende groot.

 

Oorlof reyn blom der vrouwen, fier

 

Gheeft my nu het iae-woort

[p. 31]

 

Op u staet mijn betrouwen, hier

 

Laet ons maken accoort

 

Dat ick veur

 

Al ’t ghetreur

 

Vrolijck met u paren mach,

 

Sonder pijn

 

Sou ick sijn

 

Saegh ick dien blijden dagh

 

Want in melody

 

Soudy brengen my

 

Wt dees slaverny.

Ongheleertheyt faelt licht.