Een nieu Guese liede boecxken

[fol. 92r]

Van het Pardoen des Commanduers Een nieu Liedeken

op de wijse, Godts Edel kinderen wilt doch ghedachtich wesen, etc.

Hollant Zeelant, wilt ghy v nu bekeeren,
Doet Brabant ter eeren,, den Coninck onderstant,
So meucht ghy al tsamen met vreuchden leuen,
Pardoen is v ghegheuen, vanden Gouuerneur vaeliant.

Papisten wy en vraghen niet naer v Pardoenen crachtich,
Wy gheloouen in God Almachtich,, die alle dinck regeert,
Die geeft ons Pardoen van ons boose gedachte,
O ghy Cains geslachte,, peyst oock op God den Heer.

>O Geusen waerom blijft ghy dus vreemt van sinnen,
Wilt ghy noch niet beminnen onsen Paus den Aertschen Godt,
Die geeft v Absolucy buyten ende binnen,
My dunct aen v beghinnen,, ghy houdt met hem den spot.

Die Absolucy, die hy ons soude geuen
Hebben sy wel beseuen, te Zutphen int openbaer,
Te Naerden en te Haerlem, wat hebt gy

[fol. 92v]

 

daer bedreuen

 

Wy hebbent al beschreuen in Brieuen voorwaer.

 

 

 

Geusen onsen Gouuerneur en is hier niet ghecomen,

 

Wy moghent ons wel roemen,, dan om te maken vree:

 

Daerom heeft hy brieuen van spaengien mede ghenomen,

 

Tot zijnder vromen, geloofter geen ter stee.

 

 

 

Valsche Papisten, wy sullen v niet geloouen,

 

Ghelijck die Mooren dicmael hebben gedaen

 

Alsulcke schelmerije leyt ghy haer oock te vooren,

 

Dus waren sy bedroghen, en iammerlick verraen.

 

 

 

O Geusen laet ons wesen in peys en vrede

 

Sonder begeuen, en maken vast accoort

 

Dat elck in zijn geloof mach leuen ter stede

 

Het wert al vergheuen, alsoo dat oock behoort.

 

 

 

O Ghy Papisten, gelijck ghy deedt hier beneuen,

 

Te Parijs binnen der steden, hielt ghy niet vast accoort!

 

Den ongheboorne benaemt ghy daer het leuen,

 

En hebt bedreuen, sulcken wreeden moort.

 

 

 

Hoe dat wijt backen, wy en connense niet bepraten,

[fol. 93r]

 

Sy willen haer Geusen niet laten, sy gheuen ons geen gehoor:

 

Dat zijt oock deden ten soude haer niet baten:

 

Haer leuen souden sy laten,, dat weten sy te voor.

 

.

 

Oorlof ghy Princen en Heeren,, wilt v vant Pardoen keeren,

 

Houdt v aent Woordt des Heeren,, wilt haer ghelouen niet:

 

Al willen sy ons verneren,, en met woorden verueren,

 

Si mogen ons niet deeren,, God helpt ons wt verdriet.