Nieu Aemstelredams Liedboek

Op de wijse: Den tijt is hier, etc.

SOet is den naem
Van mijn Liefken ghepresen,
Seer net bequaem
Zijn haer manierkens jent,
Vry sonder blaem, seer gracieus in't wesen
Eerlijck van faem,
Wort sy in deucht bekent,
Deur haer liefde eersaem
Staet sy in't hart gheprent,
Deur haer soete faconde // vry,
T'lachen van haren monde // bly,
Cupidoos strael deurwonde // my
Met liefden pertinent.

Oochskens voorwaer

Heeft sy schoon in't aenschouwen,
Blinckende claer
Als een puer diamant,
Dus acht ick haer
Weerder dan ander vrouwen
Want gantsch eenpaer, is sy in als playsant,
En gheheel sonder maer, is haren ganck triumphant
Om deuchtsame zeden // fijn,
Die vol courtoise reden // zijn,
Heb ick dickmael gheleden // pijn
Al deur der minnen brandt.

En heure deucht, die sy daer draecht van binnen,

My meer verheucht
Dan t'geen ic heb verclaert, want vol geneucht
Is al haer hart en sinnen,
Mijn geest vervreucht, als ick my vind' ghepaert
Met dese suyver jeucht, wiens lof ick maeck vermaert
Dus sal ick t'allen tijden // schier
Deur lijden my verblijden // fier,
Om haer schoonheyt te lijden // hier
Als haer dienaer onwaert.

Toont doch ootmoet, Princesse Lief verheven,

Met een ooch goet, uwen dienaer siet aen,
Tot eenen groet, Wilt hem uwen troost geven
So sult ghy soet, V naem te recht ontfaen,
Wilt dit doch wesen vroet,
En v minnaer bystaen,
Met v seer goede gracy // pleyn

[fol. 109]

 

Gheeft hem doch confortacy // cleyn,

 

Soo sal lief v laudacy // reyn

 

In wellust niet vergaen.