Nieu Aemstelredams Liedboek


Op de wijse: Alst begint. ISt wel ghedaen, ist wel ghedaen, Seght my wel schoon Goddinne, etc. Dat ghy dus saen, dat ghy dus saen Heel stelt wt uwen sinne. Die v bemint die v bemint, Boven alle die daer leven: O Venus kindt, O Venus kindt. Wilt v dienaer troost gheven. Want ghy hebt de macht, want, etc. Mijn droefheyt te ghenesen, Comt toont v cracht, comt, etc. Soo suldy zijn ghepresen. Mijn sins confoort, mijn sins confoort, En can ick niet ghehelpen, Noch der Voghelen gheluyt, noch, etc. En can gheen droefheyt stelpen. Nu comt doch troost, nu comt, etc. Ghy beyt my veel te langhe, Ick ben verdwijnt, ick ben verdwijnt Waerom valt ghy my soo stranghe. T'is niet mijn schult, t'is niet, etc.
[Folio 82]
Dat ick v hebbe verloren Lijdet lief verdult, lijdet lief verdult Ick bender toe gheboren. Princelijcke Lief, Princelijcke Lief, Peynst eens om den tijdt voorleden En om v gherief, en om v gherief, Daer ick v om heb ghebeden.