Nieu Aemstelredams Liedboek

Op de wijse: Schoon Lieff wat gaet ghy brouwen.

GHeneucht heb ick ghepresen
T'was al mijn tijt verdrijf,
Waerom macht nu doch wesen
Dat ick soo niet en blijf,
Maer dat ick nu vol vreesen
Onconstich van druck schrijf,
V liefd' daer ick nae spore
Doot my gants door zijn macht, En als het rijpe coren
Verbrant door des Sons cracht,
Soo gae ick nu verloren, door v fierheyt onsacht
Die my wel eer verblijden
Die moet ick nu vermijden
Jae haer gantschlijck ontvlien,
Ghy gaet het my verbien, v schoonheyt doet my glijden
En in v liefde strijden
Want in v is alleen, Dat ic plach so ic meen
Aen anderen te sien.

Ach ginckt ghy slechts aenvaerden

Den Boge in v hant, Diana sout ghy waerden
Maer droecht ghy t'hart dat brandt
Soo waert ghy op der Aerden
Venus selve playsant
Nochtans ginghen dees haer paren

[fol. 76]

 

Elck met zijn Lief besint, Die ooc der Muse snaren

 

Waren heel onbekent,

 

So meucht ghy oock voort varen,

 

Ws gelijck men niet vint,

 

Cloeck verstant en schoonheden,

 

Fraeyheyt en soete zeden,

 

Jonst, const ende practijck,

 

Daer toe van goede rijck, Heeft natuer noyt gheleden

 

Om hoomoet te vertreden,

 

In een persoon ghelijck,

 

Van die sin, neemt een wijck,

 

Nae sulck een is gheen kijck.

 

Mijn lust my niet te chieren

 

Want alles my mishaecht, Ghy gaet v van my kieren

 

Daer t'hart jonste toedraecht

 

Ick moet my droevich cieren

 

Want jaloersie my placht, Ginck Jupiter te deghen

 

V schoonheyt mercken aen,

 

Om lieft met v te pleghen,

 

Wiert hy terstont een swaen, Of in een gulde reghen

 

Verkeerde hy hem seer saen,

 

O Goddin der Goddinnen, Wilt v doch nu besinnen

 

Comt red my wt onspoet, ic val v lief te voet

 

Wilt ghy geen liefd' beginnen,

 

Lijdt dat wy v beminnen,

 

Want Thalia die doet, Versachten mijn gemoet

 

Daer liefde vast in wroet.

 

Snachts gaet my druck versellen,

 

Onrust den slaep verplet, My dunckt ick gae v quellen

 

Om een cusken te met,

 

Ick cant niet al vertellen, Wat dat ick noch droom bet

 

Al zijdy wten ooghen,

 

Ghy zijt niet wt mijn hart, Liefd' gaet my v vertooghen

 

Al zijdy van my vart

 

En doet my dan ghedooghen

 

Veel droefheyt ende veel smart

 

Als ick v huys aenschouwe

 

Daer ick als minnaer trouwe

 

Lief voor mijn Medecijn, Dick custe v aenschijn,

 

En sie dat ick met rouwe, Van v O schoone Vrouwe

 

Verstooten ben ick met pijn,

 

Gheen bitterer fenijn, Mach my op Aerden zijn.

 

Ghy preest Princes eertijen

 

Mijn dichtgens fraeye const // Nu't liefde niet wilt lijen

 

Moet ick derven v jonst,

 

Maer comt v by my vlijen, Ick derf der Muse gonst,

[fol. 77]

 

Wat v pleecht te behaghen

 

Hebt ghy ghenomen me, Droefheyt gaet my nu plaghen,

 

Dies is de const aen twee,

 

Die consten my verjaghen

 

Door mijn claghen ende wee,

 

O Phebe wilt my leeren, V Liere weer toutceeren

 

Vernieut in my den sangh, Op dat ick troost ontfang,

 

Ghy O Venus vol eeren,

 

Wilt mijn Liefs Schip ontmeeren,

 

Stuert tot my haren gang,

 

Want met harten bang,

 

Ick daer seer nae verlang.