Nieu Aemstelredams Liedboek

Een Amoureus Liedeken.

FOrtuyn eylaes bedroeft
Ben ick tot aller stont,
Een hart dat troost behoeft,
Met Venus strael deurwont,
Weest niet ghelijck een steen, etc.
Aenhoort mijn claghen groot, etc.
Ic blijf v lief alleen, Getrou tot in der doot.

Ist dat ick lief eerbaer, V eenichsins behaech

Ick sal doen blijcken claer,
Die liefde die ick tot v draech,
Ghestadich ende reyn, etc.
T'is v voorwaer gheseyt, etc.
Reyn suyver liefste greyn, Tot uwen dienst bereyt.

Aensiet schoon lief expaert

Mijn lijden en groot ghequel,
Dus toont der Vrouwen aerdt
En zijt doch niet rebel,
Want v en anders gheen, etc.
Reyn Roosken excellent, etc.
Lief ic in't harte meen, Eerlijc en pertinent.

Lustich Lief van ghemoet

Zijt ghy certeyn, t'is waer // v woordekens seer soet
Clincken als eenen snaer,
Ghy zijt soo fray van ganck, etc.
Lief v Corale mont, etc.
V welluydende sanck,
Heeft mijn jonck hart deurwont.

Die eet, noch drinckt, noch rust,

Om v reyn Maechdeken soet // Zijn lijden in liefden blust,
Troost hem al metter spoet,
Laet hem zijn v dienaer, etc.
Reyn liefken delicaet, etc.
Wort met my lief eenpaer, Troost my eert valt te laet.

Ick sorgh' schoon liefste greyn,

Ic doe verloren pijn, ghy zijt mijn lief alleyn
Mijn troost mijn Medecijn,
Troost my eer ick verdwijn, etc.

[fol. 74]

 

T'is Lief in uwer macht, etc.

 

Laet my v dienaer zijn

 

Eer my die doot versmacht.

 

O waert ghy doch eens vroet,

 

Wat ick lijd' om v Lief jent, Mijn goet mijn shartsen bloet

 

Schenc ic v tot een present:

 

Ghy staet in't hart gheprent, etc.

 

Neemt my in v behoet, etc.

 

Mijn liefde is Godt bekent // En oock mijn sin en moet.

 

Adieu reyn maechdelijn fier,

 

Adieu reyn toeverlaet // In druck en swaer dangier

 

Sterf ick lief desolaet

 

Dat doet v fel bestier, dat doet, etc.

 

Lieff door v soete praet, Lieff, etc.

 

Blust in my doch Venus vyer

 

En comt my Lieff te baet.