Nieu Aemstelredams Liedboek


Op de wijse: Ghy Amoureuse Gheesten. EEn Amoureus fier ghelaet, Heeft mijn ionck harteken deurwont Gheeft sy my gheenen raet Ick sterf in corter stont, Haer lieflicke gesichte, Haer Amoureuse rooder mont Haest v ghy venus nichte Maeckt v dienaer ghesont. O soete waerde Liefken Wilt my in lijden bystaen, dat ick door v geriefken Doch troost mach ontfaen, anders so moet ic sterven Die doot die comt my aen Mocht ick eens troost verwerven, So waer mijn trueren ghedaen. Vergeet niet schoon creatuere Ick bekenne v tot alder stee Mach mijn geen troosy ghebueren Ick verdwijn ghelijck de snee, v grasieuse visagie Mijn troost mijn Medecijn, Als ick v sie so bedrijf ick ragie Hoe soud' ick droevich moghen zijn. Hoe soud' icker moghen afwesen Dat edele Princelijcke, greyn Zy is schoon wtghelesen, Alle haer ledekens zy reyn Haer lipkens bloeyen als corale Haer mondeken staet rustich en jent Zy is seer constelijck van taele
[Folio 69]
Zy staet in mijn harteken geprent. Princelijck harte // Al door die minnen Aensiet mijn bitter smarte, Die ick nu lijen moet, altijt so moet ic treuren goet Om haer claer aenschijn soet, Mocht sy my eens ghebueren Ick en koos voor haer gheen goet.