Nieu Aemstelredams Liedboek


Op de wijse: In't hart heb ick vercoren een suyver Maechdelijn. AL heefter niemant ruste // die Venus dienaers zijn, Al gheeft die Liefde pijn, Nochtans min ick met luste O vrolijc Meysken fijn, v suyver schoon aenschijn. Ick wil v niet seer prijsen Met leughens valsche blijck, En segghen opentlijck Dat men v niet sou wijsen In deucht en eere rijck, Noch in schoonheyt ws ghelijck. Veel zijnder die beginnen Haer lief met woorden quaet, Die dick verwecken haet, Die hoorden te beminnen Voordachtich en met raet, En toonent met der daet. Elck prijst zijn Lief hoovaerdich Boven Vrou Venus reen, En de suyver Heleen, Dies lieghen sy onaerdich, Want gheen van dese tween, Voor ons oyt en verscheen. Maer neen Princesse schoone, Te draghen sulcken min. En ben ick niet van sin, Maer sal mijn liefde toonen Soo lang tot ick ghewin
[Folio 47]
En v vry eyghen ben.