Nieu Aemstelredams Liedboek

Op de wijse. Fortuyn eylaes bedroeft.

AEnsiet v dienaers staet
Schoon bloemken excellent,
Peynst eens hoet met hem gaet
Die van v is absent
Wiens hart lijdt groot torment, etc.
Om v schoon suyver greyn, etc.
Tot v O liefste jent,
Staet mijn toevlucht alleyn.

Tot v O bloem expaert

Staet alle mijn begheer
Reyn deuchsamich van aert
Sijt ghy vol aller eer,
Mijn bede doch aenhoort, etc.
Niemant dan ghy voorwaer, etc.
Can my gheven confoort
Dus vertroost v dienaer.

Ben ick schoon lief van hier,

Soo vergheet v dienaer niet
Of ghy brengt in dangier,
Mijn hart in swaer verdriet,
Ghestadich en ghetrou, etc.
Blijf ick Lief delicaet, etc.
O suyvere Kerssou
Daer alle mijn troost opstaet.

Ick peyse dach en nacht

Om v O Bloemken fier,
Den tijt met smart verwacht,

[fol. 41]

 

In lijen en dangier,

 

Dat ick O Venus dier, etc.

 

Met v Lief in eendracht, etc.

 

Wt blussche Venus Vier,

 

Al door der minnen cracht.

 

Ick ben nu absent

 

Van v O suyver Jeucht,

 

Nochtans mijn hart present

 

Om v hem dick verheucht,

 

Ghedenckt schoon Lief aen my, etc.

 

Want mijn hart dat blaeckt, etc.

 

Nae v wt Liefden vry

 

T'welck door v blijschap smaeckt.

 

Ghetrou tot inden doot, Blijf ic v lief altijt

 

Mijn hart in pijne groot

 

Om v hem dick verblijt

 

Want ghy zijt lief alleen, etc.

 

Mijn troost tot aller stont, etc.

 

Lief ghy en anders gheen

 

Hebt mijn ionck hart deurwont.

 

Reyn violierken soet, Reyn maechdelijck Pilaer

 

Comt toont my doch ootmoet

 

En vertroost v dienaer,

 

Laet ons eens troost ontfaen, etc.

 

En wilt in my Absent, etc.

 

My uwen gonst voortaen

 

Toe draghen tot den ent.

 

Edel Princes vol deucht

 

Ick beveel v den Heer,

 

Ick blijf Lief onverheucht,

 

Tot dat ick wederkeer

 

Tot v mijns hersen croon, etc.

 

Schoon Liefken triumphant, etc.

 

Nae v mijn Liefste schoon,

 

Mijn Jonck hart stadich brandt.