Nieu Aemstelredams Liedboek

Op de wijse, Die Nachtegael die sanck een Liet, dat leerde ick, etc.

DIt hef ick an, en drincket man
Met eenen sedt
Als ick my weer ghelijck een man,
Ick vaer te bedt,
Dus wil ick niet vertoeven, maer proeven
Dit wijntgen ras // fijn wt dit glas,
T'ondrayt de vaste schroeven.

Doet ghy soo mee, soo ick ter stee,

V voore gae
Een cleyne bee, hoeft ghy hier ree
Ist soo, segt iae
Om sulcken croes te drincken, sonder crincken
Nu derf ick niet, om datment siet
Ghy mocht my schant na dincken.

Nu t'sa wel an // siet of ick can

Te degen wel
Ick scheyer niet van // in dit ghespan,
T'moet in mijn vel
Als ickt heb binnen micke, t'mach hem schicke
Ick gaer med' voort, alsoot behoort
Nu t'sa waer na stae icke.