Nederduitse en Latynse keurdigten

Aurea Libertas.

AUrea Libertas bibitur sine fine modoque,

Nulla nisi huic Divae pocula sacra placent.

Scilicet à Regis Gulielmi morte revixit

Libertas Sed cur Aurea? causa latet.

An quia, qui Patriae clavum sine Rege gubernant.

Civibus afflictis aurea secla dabunt?

An, quia Libertas laudatur, quaeritur aurum?

Quo sine Libertas nomen inane foret.

Credo equidem: Nam qui se Libertatis amore

Tam validè jactant, aurea Regna petunt.

Auri, Argenti, AEris procul hinc, procul este metalla,

Non nisi venales ista decent animas.

Belgica Libertas auro pretiosior omni est;

Civibus illa bonis non nisi nuda placet.