Middelnederlandsche geneeskundige recepten en tractaten, zegeningen en tooverformules

411.

Aqua verbena es sonderlinghe seere goet, want het ghenest stappans die hoeftswere⁽¹²⁾ ende het benemt bloet pissen. het doet wel orine maken, ende help der leveren, en der longheren, ende der milten, en der nieren, van der oppilacien. et ghenest wonden binnen ende buten, ende apostemen⁽¹³⁾

(12) Hs. hoeftsuere.

(13) Hs. apostnien.

[p. 111]

ende seer oghen. ende so doet oec kanker, festel, mormale, cheter, clieren, claporen, seer veden, den brant die verberrent es van watre oft van viere; ende het stelpt bloet commende ut allen den⁽¹⁾ steden van den lachame.

(1) Hs. de.