Medische en technische Middelnederlandse recepten

spumidus	Is dat bloet schumende, so is di sucht in dy borst dat is syscus.
liuides blane	¶ Is dat bloet blau, so is dy sucht inder milte, dat is van .j. coude mage.
cytonius	¶ Is dat bloet gele, so is dy sucht in der leuer, dat is van crupender heetse.
viridus	¶ Is dat bloet groen, so is dy sucht inder heerte, dat comt van woet colde.
niger	¶ Is dat bloet swarte ende hart, so is dat laten verdroget, so sal men bloet laten.
	¶ Is dat bloet roet ende heuet eyn swaerten ringhe, so is dy suchte inden hoefde dat is menstruum.
albus	¶ Is dyt bloet wyt ende heuet voele waters bouen, dat is eyn teyken vander quartanen, dar en sal men nyt te woele laten.
rubeus	¶ Is dat bloet roet ende heuet omme eyn bleeken ringe, dat is eyn teiken vander heiter gicht, dy sullen myt woel wasten of luxurien.
	¶ Is dat bloet bouenGa naar voetnoot(435) ende dat water beneden significat ydroposim.
pallidus	¶ Is dat water tmael wael, dat is eyn teyken van sinte cornelis ongemach, dar thegen salmen eyn molworm barnen tot puluer ende drinckenGa naar voetnoot(436) des dages ens vanden puluer .j. wenich.
rubeus	¶ Is dat bloet roet ende dorre, dat is .j. teken vander reuma non debent minuere.
rubeus et pallidus	¶ Is dat bloet wal roet ende .j. luttel waters bouen significat sani[ta]tem corporis.