Medische en technische Middelnederlandse recepten

(fol. 115^r) 1210. Prenosticacio mortis.aant.

So wie dat woerhoeft roet is ende elken bleeck signum mortis. Item die heem kyrt wan dat lycht. Item mach hy dat licht noch dy dach nyt syen. Item den dat luchter oghe merre is dan dat rechter oghe. Item dy syn nase bleeck is ende scarp. Item den dy⁽⁴³⁷⁾ boeck neder walt vanden adem. Item wye syn woete kalt syn ende gedoget hy dat men

(437) dy: het Hs. heeft sy.

[p. 306]

hem dar onder ketelt. Item es eyn mensche iongh ende waket hy woele in syne sicheit. Item is hy out ende slapet woele, omnia ista sunt signa mortis. Item nemt broot ende wrift syn woten dar mede ende geuet eyn hont teten: etet hy des nyt, dat is vrese. Item legget syn handen op eyn hont ende gedoget hy wel, dat is guet et cetera. Item gheft hem water tdrincken ende settet voer eyn hont: drincket his nyt, dat is vrese. Item nemt eyn looef ende legget onder syn bedde, ende wort dat bleck, dat is quaet et signum mortis.