Medische en technische Middelnederlandse recepten

[p. 285]

1126. Vnguentum papuloen.aant.

Welke ys eyn salue dye weel coelt ende heylt wleesachtige wonden, sy ys oec goet tegen alle hitte ja dy nyet slapen moghen, dy woten, dy handen, dy syden <vanden hoefde> dar myt bestricken, so ist goet der heyter leuere. Men st[r]ycse oeck omtrent vanden apostemen dy seer verhart syn.

Recipe dy botten vanden popelieren .j. Ʒ ℔., dy bladere van mandragra⁽³⁸⁸⁾, van belryke, van vermecturaris, naschade, donderbart, violetten cruyt, crop vanden bramen, bardana, vmbelicus veneris, pa[pa]uer album et nigrum, elx .iij. , wersche swine smout sonder sout .3. ℔: die botten⁽³⁸⁹⁾ salmen stoten ende temperirense mytten smoute. Ende latent also staen. Ende nem⁽³⁹⁰⁾ wyt dy crude. Ende alse mense heue, so stoetse ende mingetse mytten botten ende myt den smoute, ende laetse daer in te gader staen .20. dage of .xxi., dan salmense sieden by eyn sacht wuer. Ende doen daer to sterken wyn azyn, ende latent so lange siden hent dy azine versoden is ende dat dy crude des bodems begeren, dan so colet ende bestedet in eyn verloeyde wat.

(388) Na mandagra staat vel doorstreept.

(389) botten: het Hs. heeft bosten.

(390) nem: het Hs. heeft mem.