Medische en technische Middelnederlandse recepten

776. Aqua lazida.aant.

Vater dat aqua lazida heet machmen aldus. Nemt sauelboem, ysop, gladie, auerone, elx euen woele, te gader gestampt ende distillirt, dat werdrift alrehant bloetsweren, dages eyns gedroncken. Ende het doet vergaen het wytte water ende rode ens dages gedroncken⁽³⁰⁶⁾. Ende dyt water .ij. werf dages gedroncken stelpet troede.

(306) gedroncken: het Hs. heeft dedroncken.