Medische en technische Middelnederlandse recepten

775. Aqua philosophorum.aant.

Philosophors water maectmen aldus: nemt ysop, gariofilaet, polioen ende sukerey, elx euen woele van desen vyr crude. Dyt water nuchter gedroncken doet alrehant giechte vergaen wtden leeden. Et comfortat sensus hominis. Ende .ix. daghe gedroncken nochter verdriuet dy geel sucte, ende verdrift elken corts wan wat manyren dat sy syn. Ende .xl. dagen nuchter gedroncken verdriuet dat groete oeuel hoe⁽³⁰⁵⁾ sere dat het veroldet ys.

(305) hoe: het Hs. heeft voe.