Medische en technische Middelnederlandse recepten

[p. 239]

774. ¶ Vater peteralis.aant.

Machmen aldus. Nemt beuenelle saet, sennep saet, peter celyen saet, fioletten saet ende clessen saet ende mastix, elx euen woele ende geureuen, ende dit alle gemenget myt boxsbloet, ende myt eyn luttel eysiils, dyt distelirt metter clocken; dit water gedroncken nuchteren eyn lepel woel te gader brect alle maniren van steenen van wat maniren dat sy syn et purgat matricem. Ende twerlicht tharte van alle swaerheit. Ende verbliet ende het doet dy boem groyen dy verdrocht ys. Ende dy dycwille bloet, het doet heem staen styl. Dy myt dyt water eyns daghes scorfde hoefde vasset, dy geneset. Item het doet bynnen dry daghen verghaen alrehant ruet, dy sich der myt wasset. Ende het mact guet bloet ende schoen werue. Item dyt water myt castorien gesaden ende gedroncken .ij. warf daghes, expellit omnem morbum ydropicam nisi in corpore mortificate fuerint.