Medische en technische Middelnederlandse recepten

756. Aqua centauree sic fit.aant.

Recipe centauriam ende stamptse mitter wortelen van valeriana. Mer dy .ij. deel centaureen ende .iij. deel valeriaens datmen meu heet, ende legget tsamen yn guden wyn .v. daghen, daer nar destillirt het koel. Dit water nuchteren gedroncken behudet dy luden van alle sickheiden. Ende genest apostemen bynnen den lichaem ende idelt dy veruulde maghe, hoe slimich dat sy ys. Ende breket den steen yndi nyren, het scheidet dy hartheit vander milten ende dy opilacie vander leuer. Ende droncket eyn vyf .ix. morgen stonden prouocaret ei menstrua. Purgat immundicies matricis et purgat coleram et febres. Item het verdroget verrot bloet ende genest wonden inden licham. Het claer[t] doncker oghen, het saft beeten van serpenten ende het is beter dan golt om eyn olde mensche.