Medische en technische Middelnederlandse recepten

755. Aqua draguntee serpentine sic fit.

Recipe dragunteam myt synen wortelen, ende stampt myt olye van oliuen ende dan latet staen .iiij. daghen ende dan doeter thoe eyn

[p. 235]

wyrendeel wyns ende latet staen .ij. daghen ende doetet [op] tfuer ende macter water af, ende alst gemact is, soe doetet yn eyn stenen wat ende stoppet wel toe. Dyt water ys goet tegen alle beeten van serpenten et morsus rabidi canis, ende op dat in de wede wast. Ende heilet polipum in dy nase, op datment daer mede dwaet. Ende dy het in dy oren doet benemet dy tutinghe vanden oren ende genest cancker, fistel, ende nuchteren gedroncken werdriuet alle venyn, ende suuert dat ansicht van (fol. 63^v) plecken ende spruten bynnen .xv. dagen. Het is guet gedroncken tegen torsioen, tegen den fick ende dat lanck ouel.