Medische en technische Middelnederlandse recepten

730. Aqua consolide minoris sic fit.aant.

Recipe dy blommen vander kleyner matelyuen ende macter af water als sy gestampt syn. Dit water gedroncken geneest alle wonden bynnen ende buten. Ende het is oeck guet gedroncken den genen dy benen to braken heft, ende teghen alrehande sericheit. Ende dat aensicht mede bestreken mact schone werue ende suuert dy rode pusten int aensicht. Ende werdrift alle plecken en[de] spruten wan des menschen lichaem.