Medische en technische Middelnederlandse recepten

[p. 229]

729. Aqua tormentille, of tremoers dy cleyn of kleyne duuels beet sic fit.aant.

Recipe tormentille myt dy wortelen ende stampse ende macter water af. Dit water .ix. morgen nuchteren gedroncken genest dat witte ende dat rode ende dat brun op dy oghen ende dy heer brant ende verlicht des mensce lichaem van enigher saken. Ende het claert⁽²⁸¹⁾ syen bouen alle wateren ende het stoppet dat rode menysoen. Ende het genest dy rede van allen dagen op datmen .xl. daghe nuchteren drinct. Item wonden bynnen ende buten geneset ende het comt der wonden wt lopen ende genest canker, mormael, ceter⁽²⁸²⁾ ende seer apostemen, seer burst, seer wede, atteticam, tfledersiin dy nyt weroldet syn, ende dy spenen. Ende het confortirt dy maghe ende sterket dy leuere ende dy burst, dy milte, dy nyren, dy blase van hoer opilacien. Ende verlicht den mensche van syne mysquame, gelick of eyn mensche eyn swaren last droghe ende dat eyn ander quaem ende holpet hem draghen. Ende ynder sterfte is goet bouen al voert fenyn.

(281) claert: het Hs. heeft tclaert.

(282) ceter: de tweede e staat boven een onleesbaar gemaakte letter.