Medische en technische Middelnederlandse recepten

728. Aqua paralisis vel primule veris, dat ys eyn krut myt gele blomkens ende wassen in weken busschen et sic fit.

Recipe dy bladen ende dy woertelen van desen crude ende stamse ende macter water af. Dyt water ys sunderlinge medicinael want nuchteren gedroncken .vj. daghe lanck, het geneset den hoeft zweer dy wan coude comt. Ende is guet ter lenden ende tot allen sieckheiden dy van zenen commen ende tot lanck euel, ende heylt wonden ende comfortirt dy arterien.