Medische en technische Middelnederlandse recepten

727. Aqua consumaitua dat weel werduuen ende werteren sic fit.

Recipe petercilie ende stampt sij ende maecter water af. Dyt water doet wel werduuen dy spise. Ende werdrift alle wyndicheit wtten lichaem ende wtter magen. Ende doet den (fol. 60^v) mensche wel eten ende syn spise wel becommen ende ys wonderlicke guet gesoden myt suker ende gedroncken tegen den host ende tegen quade borst vant het sutet ende suuert dy borst van quade humoren.