Medische en technische Middelnederlandse recepten

726. Aqua dealbatica sic fit.aant.

Nemt eyn mol ende barnthem tstucken of to puluer ende stampten myt celidonien ende myt leuende sulphur, daer water wt sublimirt. Dy myt desen water dwoech eyn beest dy swart haer hadde, sy solde bynnen .ix. daghen wyt werden. Ende dyt water gemenget myt wasse of myt aloe, het verdrift alle dropen op datment daer mede saluet. Ende genest noli me tangere eyn plaester daer af op geleit. Ende genest ioecte ende dy rose ynt aensicht ende schorfde hoefden de sere mede saluet. Ende eyn plaester daer af gemact myt aloe ende myt calmie ende op den wolf geleit, verbit hem ende genest. Dyt salmen vermaken eyns des dages ende daer mede dwaen. Dyt water is nuttelick buten mede to werken, mer van bynnen quaet.