Medische en technische Middelnederlandse recepten

725. Aqua lazida sic fit.aant.

Recipe dy bladeren vanden soeuenboom, jsope ende au[er]rut ende gladie tgader gestampt dar wt water sublimirt. Dit verdrift alle hoeft sweeren di het eens des dages nuttet. Het werdrift alle cort[s], heet

[p. 228]

ende cald. Ende dy het drincke .ij. werue des daghes het stempet het roede merisoen ende twitte. Ende het is rechte medicyn tegen dy rode bloetsuct, ende dy et syden myt castorie ende drinct, het werdrift alle fledersyn⁽²⁸⁰⁾ op datmen drincket alstmen dat alre heetste dogen mach. Ende het suuert dy mage van allen quade humoren ende dodet dy worme ynt lichaem ende haldet altoes den mensche yn schoenre gesuntheiden.

(280) fledersyn: het Hs. heeft fledersym.