Medische en technische Middelnederlandse recepten

731. Aqua scabiose.aant.

Ys gemact van .ij. cruden, dat eyn hetet scabiosa, dy ander heytet duuels beete (fol. 61^r) dy grote. Dit ys guet water het heylt doer dy heele huut. Sic autem fit. Recipe dese .ij. cruden ende stampse ende macter water af. Dit water geneest wonden bynnen ende buten ende comt te wonden wt lopen. Ende hadde een mensche eyn aposteem yn syn lyf of rudicheit of enyghe scorftheit van wercoltheit ende hy des droncke .ix. morgen stonden, de aposteem ende dy siecheiden solden wtwert slaen. Ende hadde eyn syn wede zeer ende geswollen, droncke he des ende hem daer mede wastene, als waer hy onsteken of hoe seer dat hy wer, hy solt genesen.