Medische en technische Middelnederlandse recepten

722. Aqua dulcedinis oculorum ad oculos.aant.

Recipe rute, agrimonie, mandragori et celidonie myt suker ende myt calmy steen tgader gewreuen ende yn eyn klocke gedaen ouer eyn cleyn fuer, daer wt salmen water sublimiren. Dyt water heft grote craft yn hem, want het is neen ouel also fel noch so quaet, dat dy ogen to deren plech, ten ys warachtich medicyn daer tegen, ist datmen g[e]nesen mach. Dyt water nuchteren gedroncken verdrieft⁽²⁷⁴⁾ alrehande venyn wt des mensche lichaem. Ende hadde eyn mensche fenyn genuttet, ende hy hyr af droncke, het venyn soude ten mont wt gaen. Item het blusset bynnen dry dagen het helssche⁽²⁷⁵⁾ fuer, alsmen eyn plaester van⁽²⁷⁶⁾ wercke daer yn nettet ende legget daer op, indien dattet fuer van zwarter verue ys. Meer waert inden midden heete ende al omme roet, soe en lechtmens nyt daer op. Ende dyt water doer ettet

(274) verdrieft: v verbeterd uit w.

(275) helssche: het Hs. heeft heessche.

(276) van: v verbeterd uit w.

[p. 227]

den cancker ende doethem genesen. Det menghet myt aloe ende netter yn eyn plaester van wercke ende leget daer op twe werf des daghes.