Medische en technische Middelnederlandse recepten

721. Aqua palme christi.aant.

Ys gemact van eyn crude dat heft dy woertelen gelick of .ij. handen waren. Ende men mact aldus. Recipe palmam christi mitter woertelen ende macter af water; dit water genest alle zwellen bynnen (fol. 59^v) ende buten nuchteren gedroncken. Ende het sterket dy lede ende confortiert dy senen ende dodet artetica ende fledersiin ende alle gichticheit. Ende het merret natuer ende geneest wonden bynnen ende buten.