Medische en technische Middelnederlandse recepten

660. Om ruysen tmaken.aant.

Recipe groue suker ende sidethem myt water tot dat sy dicke wort als que cruyt, ende doen daer yn poder, ende ghitent op een beecken ende snijdet aen stucken. Meen maeght ock gieten in wormen, ende maken daer af watmen wil.

¶ Mede machmen dy rose werue[n] myt wat werue datmen wil. Tot roet salmen nemen torensoel, ende men doet eerst yn water daer meen dy sucker mede siedet. Tot gheel salmen nemen sefferaen. Tot blau salmen nemen lasuer. Tot groen sefferaen ende asch van lazuer tmaken.

¶ Dye rusen wil in formen ghieten sal laten maken formen van loet, als van koten, hiltekens, peren, prumen, kersen of deer ghelike, ende daer yn dan ghieten.