661. Borst kruyt tmaken.
Nemt zuet hout ende anys ende macket daer poder of, ende sietet yn wel waters tot dathet dick wort als quede cruyt. Ende dan nemet wt ende macter groue langhe pillen af, ende doet daer cruyt (fol. 50v) yn dat ghi wilt.
¶ Op dy borst thoe besighen, so salmen dar yn doen alleen wytten gingeber ghepudert een loet op .s. pont deges ende anders nyet. Meer dyt tho dege soude make[n], soude nemen slecht sut hout, ende poderen dat ende sydent in weel waters op dy .ij. deel, ende dan sighen doer eyn doecke dy dicht is, ende van dyt nat sout men sieden tot dat het dick wort als vorscreuen staet, ende doen dan dat crut yn ende makent dan aen pillen.
Auteursrechtelijk beschermd