Medische en technische Middelnederlandse recepten

162.aant.

Dille doet wel orine maken in wine ghesoden of in poelmente ghenomen. Ende dille met netelen ghesoden es goet ieghen spenen die bloeden daerop gheleit, ende dille met vlee<c>sche ghesoden sterct die hersinen ende doet wel slapen ende sterct de maghe ende benemt walginghe ende spuwen ende siecheden die commen van verwltheden,

[p. 116]

ende dille in olie ghesoden ende dan den slaep daer mede ghesaluet doet wel slapen ende muruet ripe sueren. Ende droghet versche wonden metter netelen gheminct, ende dille dicken ghenut cranct de sie ende benemt fraiede.