noyt ghedacht/ ghepeynst/ noch wille gehadt/ mer si doet mi valschelic vanghen ende dat met onrechte. waer etsijtes hier oft evac ten waer ghenen noot mer neen sy lacen. dwelc ic beclaghen moet dat ic ontschuldeliken sal moeten sterven ende onverdient. Neen seyde die valsche rechtere ghy hebbet wel verdient gaet daer in den kerkere. ende bereet u also ghi sterven ende leven wilt. want morghen broech so naect die ure uwer doot. ende daer met so schiet die rechter van daer. ende margrieta die bleef alleen inden kerkere beclagende dat groot onghelijc datmen haer dede ende onverdient dat welcke seer te beclagen was. Want si anders niet en wiste dan sy ontschuldeliken sterven moste also die rechter haer gheseyt hadde Aldus so stelde si haer te vreden so si best conde. ende sette ganselic al haer herte op god almachtich. ende op sijn lieve moeder dat hy haers ontfermen wilde ende bleef screyende alle die langhen nacht in groter droefheit seggende teghen haer selven, adieu vader hertoghe otto van limborch. adieu moeder. adieu broeder vrienden ende maghen. hier blijft u weerdighe doch ter margrieta die ghi verloost onnoselic in die iacht. aldus weenende ende claghende bleef margrieta in groter sorghen ende in banghicheyt des herten. Ende die rechter dede den hangman alle dine bereyden om margrieten te verbernen. ende te iustificeren sonder recht oft vonnisse. dat hem noch ten quaetsten vergaen sal, alsmen noch wel horen sal int eynde doen hijse ter plaetsen brocht daer si sterven soude.
Auteursrecht onbekend