[42]
Een plaster datmen scelt die cleine gracia dei. het rijpt wonden ende doetse wel dragen ende etteren. ende heilt sonderlinge wel ende suvert. ende men maket dus ¶ Nemt betonie. pinpenele. verbena. elx ene hantvol ende stampse wel ende doetse in enen pot over tfier ende doeter in enen stoop wijns. ende zieden dat tot ere pinten. ende doenre toe waerpout ende was elx .1. lb. ende dit salmen zieden tot die zopen al versoden siin. Ende doen dan der in terbentine .1. lb. ende latense smelten. ende alsi gesmolten es salmense wringen dor .1. bultel. ende dan mingen der in mastic .3. o. wel cleine gemalen. Ende dan salmer op gieten wijfs melc ende coelent der met. ende derna walken iegen tfier die verscheit uut entie handen smeren alsoet vorseit es.
Auteursrechtelijk beschermd