[37]
Dus suldi aexterogen ogen uut doen Nemt een gloyende yser dat wel root es vanden viere ende steket in die aexteroge ende berntse toten vlesce. dits dat beste werc metten ysere ¶ Ende oec so mach men aldus doen. Nemt .1. leder .2. vingere lanc ende snijt in die middel .1. gat niet breder dan die aexteroge groet es. dan seldi nemen een stoxkijn van bremme also groet als een vinger ende also lanc. dat suldi clieven ten enen ende. dan suldi steken tusscen die splete sulfer een ront stuxkiin. dan suldi dat leder leggen optie aexteroge kaste ende enen andren doen houden. dan doet dat sulfer bernen ende doet drupen int gat van den ledre optie oge ende latet bernen. dan suldi dat leder af doen ende vagen tsulfer af dan nemet thooft vander aexterogen met uwen nagele ende wankelet uut. ofte trecse met ere tangen uut. Ende ziedi dat si vander huut niet volgen en wilt so snidet vander huut met ere vliemen dan sal daer bliven .1. ront gat. Dan so nemt moru leem geminct met aysine ende
Auteursrechtelijk beschermd