Dyaria es .1. menisoen simpel ende sonder sweringe ende steecten of bijtsel. ende wel de spise verteert. ende es spoelinge vanden lichame. Somtijt comet van couden. somtijt van vremder spisen of van vremden dranke. ende van te vele etene of drinkene ¶ Wet alle die werke die behoren iegen discentiria ende lientiria die siin goet iegen dyaria. Ende iegen die gewonde mage. ende iegen wonden vanden darmen der menisoen af comt
Auteursrechtelijk beschermd