Vanden levene ons Heren

(1968)–Anoniem Levene ons Heren, Vanden– rechtenstatus


Vanden levene ons Heren [2016-3026] DOe sprac onse here toter doet Al was hi man sijn anxt was groet Ay doet die niemen en spaers Die ouer bosche ende water vaers 2020[regelnummer] Ay torment ay bitter doet Du does miere herten wenen bloet Anxt ende seer vernoey rouwe ende noet Es in mi. mine passie sal sijn groet Ay doet dune spaers coninc no graue 2025[regelnummer] Al es hi rike al heeft hi haue No jonc no out no wijf no man Ay bitter doet wat sal ic dan Ay doet. twi heefstu mi gemint Ia ne benic god marien kint 2030[regelnummer] Ay doet ic ben in de gewout dijn Wat salic doen wat sals siin Ay doet. du heefs al dattu welt Du heefs mi in diere gewelt Al wasic van marien geboren 2035[regelnummer] Doet. van dan heefstu mi vercoren
[Folio 14va]
Ay bitter doet hoe du best fel Doet en quaet och doet en wel Het moet tusschen dine hande gaen Ay bitter doet soe moetic selue saen 2040[regelnummer] Onse here van hemele en seide nemeer So langhe lach hi daer in dat seer Dattene tcoude gemestert heuet Dat al siin lijf van couden beuet Te sinen iongeren ginc hi te hant 2045[regelnummer] Slapende alle dat hise vant Sonder bedde ende al ontdect Oetmoedelike dat hise wect Kinder seit hi staet alle op Hier comt iudas ende maect sijn spot 2050[regelnummer] Hier comen de viande mijn Hoe wee mach mi te moede sijn Met walmen ende met lanternen My te soekene dat si geren Sie bringhen glaiuen ende swert 2055[regelnummer] Met rechte es mijn herte veruert Deen troest den anderen mi te vane Iudas troestese alle mi te slane Het en es niet om die verdiente mijn Maer het es om dat moet sijn 2060[regelnummer] Hoe moegdi rusten ende slapen Daer hier comt dus menich gewapent Mi te slane ic ben v here Gi sout met mi sijn in allen sere Stappans daer hi dit heeft geseit 2065[regelnummer] Elc spranc op al daer hi leit Ende seiden here of ghijt gebiet Al lagen wi hier wi en sliepen niet Maer wi hadden geweent so sere Om vwen torment soete here 2070[regelnummer] Dat ons allen die vaec hadde beuaen Daer om moesten wi liggen gaen Iudas quam die ioden met Sine hilden no trouwe no wet Si hielden geselscap alle wale 2075[regelnummer] Doe sprac iudas dese tale
[Folio 14vb]
Heren seit hi hoert na my Elc uere van hem seluen sy Hout v te gadere wi selen saen Te minen mester comen gegaen 2080[regelnummer] Dien wi alle willen vaen Als wi selen ende slaen Ic salne cussen hort na mi Dien ic cusse dat es hi Dien gi nidet alle ende haet 2085[regelnummer] Dien man vaet bent ende slaet Dien toenet scone ghelaet Dien machmen doen alle quaet O iudas quade man Hoe fellen ghedachte hadstu dan 2090[regelnummer] Als du souds verraden gaen Dinen mester ende slaen O iudas vele sondich lijf So caytijf ne was nie man no wijf Wat hadde dijn mester di mesdaen 2095[regelnummer] Dattune verrieds dat men ginge slaen O iudas vermalendide Hoe mach dine ziele wesen blide Dattu marien sone verrieds Ende in sinen sere van hem scieds 2100[regelnummer] Du waers onwerder dan .j. hont Als du cusses dijns mesters mont O iudas vermalendijt caytijf Hoe onwettich was dijn lijf Dattu met cussene dinen here 2105[regelnummer] Verrieds ende brachs in desen sere O iudas quade leckere Fel onwert gierich treckere Hoe dorstu nie wesen soe bout Dattu dinen here verrieds om gout 2110[regelnummer] O judas du daeds dinen wille Daer omme berrenstu in donreine hille Du tormentes daer wel iammerlike Met rechte bestu daer ewelike Die caytijf hine lette niet
[Folio 15ra]
2115[regelnummer] Also als hem de duuel riet Hi quam gaende ende maecte sijn spod Ende custe. ende quedde sinen god Toten ioden seide hi dan Dit es mijn mester dit es de man 2120[regelnummer] Dien wi hebben tote nv gesocht Desen heb ic v vercocht Ne lettet niet maer al te hant Slater ane ghemeenlike ve hant Sijt in hogen en ontsiet v niet 2125[regelnummer] Staet al stille ende niet en vliet Hi es sachte man dat wetic wel Hi en es suer. no wreet. no fel Ic weet wel al sinen sede In hem so es oetmoedichede 2130[regelnummer] Wat stadi heren alle stille Gaet na hem doet uwen wille Neemtene bentene ende vaet Leitene daer gine te steen doet slaet Ia en waest niet geloeft ocht icken .v. gaue 2135[regelnummer] Dat ic dan hadde mine haue Ia hebdine doet al v gebod Dit es die man dien hem maect god ONse here van hemele hi stoet veruert Iegen de ioden hi hem niet en wert 2140[regelnummer] Maer suchte ende seit aylas En mocht niet bleuen sijn iudas Ic en moeste verraden sijn van di Waeromme cussestu dan mi Iudas en antwerde hem doe niet 2145[regelnummer] Maer duers op sinen here hi siet Ende pensde mochte sijn doet dese man Soe haddic .xxx. penninghe dan DIe ioden quamen al te hant Ende sloegen gemeinlike hare hant
[Folio 15rb]
2150[regelnummer] Ane onsen here van paradijs Sijn herte wert couder dan .j. ijs Sie trockene alle wel iammerlike Sie stietene sere onsuuerlike Daer en was negeen al dat hi mach 2155[regelnummer] Hine gaf onsen here stoet ofte slach Sie onwerden alle gode onsen here Sie geselden sijn vlesch vele sere Dat sine herte spou bloet Soe wee was hem al docht hem goet 2160[regelnummer] Sie spouwen hem in sinen mont Sie husten op hem als ware .j. hont Sie maectene seer ende ongesont Daer hi tusschen hen allen stont Sie voerden hem weder alst ware .j. dief 2165[regelnummer] Elc sloech op hem ende hief Ende haer cnapen die waren daer Sloegen haer hande in sijn haer Sinen iongeren was vele wee Sie scieden alle alst ware vee 2170[regelnummer] Alsoe alst god hen hadde geseit Elc daer hi vloe vele sere screit Sie waren in anxte ende in noet Elc ontsach die bitter doet Hi hadt geseit sie waren veruert 2175[regelnummer] Met hen droeghen sie oec .ij. svert aLse sente peter sach tgheuecht Dat sijn here dogede sonder recht Sonder verdiente ende sonder plecht Hem was wee want hi was sijn knecht 2180[regelnummer] Als hi daer quam hi trac .j. suert Hem iammerde sere hi hadt onwert Ende sloech malcuse enen knecht De rechte ore af hi hadde recht Daer men tormente sere 2185[regelnummer] Iammerlike gode onsen here Peter hi hadde grote onwerde Dies knechs daer hi metten suerde
[Folio 15va]
Dien seluen knecht enen slach gaf So dat sine ore vloech af 2190[regelnummer] Onse here keerde hem te petren wert Peter seit hi nemt v swert Ende steket weder in die sceet Sleestu meer het es mi leet So wie seit hi met swerde sleet 2195[regelnummer] Ochte speelt ochte diere mede geet Hi sal met swerden sijn leuen Verliesen. peter het es gescreuen Peter seit hi haddic gewilt Ic hadde dese ioden saen gestilt 2200[regelnummer] Sonder wapen ende sonder swert Haddic mi vele saen verwert Peter ic hadde sonder waen xij. scaren ingelen saen Die iegen dese ioden souden sijn 2205[regelnummer] Inden troest ende in de hulde mijn Onse here nam die ore vanden knecht Die peter af sloech int geuecht Daer die knape voer hem stont Ende settese hem ane al gesont 2210[regelnummer] Als dese vertuut was gesciet Die ioden en lietens hier omme niet Si namen alle gode onsen here Die was in anxte ende in sere Ende togenne saen ins bisscops sele 2215[regelnummer] Daer vant hi viande herde vele Als hi daer quam te hant Si riepen alle dese es triwant PEter quam achter gegaen Daermen sinen here leidde geuaen 2220[regelnummer] Nochtan trac hi dicke achterwert Daermen niet en hi was veruert Ter seelen quam hi gegaen vore Daer stoet .j. wijf ende hilt de dore Si sachene saen hi werts geware
[Folio 15vb]
2225[regelnummer] Sie quam te hem hi was in vare Man seise ic weet wel sonder waen Dat ic di sach gisteren gaen Metten man die hier es gevaen Sietmen di man men sal di vaen 2230[regelnummer] Segge mi man ne hels mi niet nv Wat sochstu hier wanen bestu Bestu leec ocht bestu pape Neen du best dies mans knape Peter antwerde den wiue dan 2235[regelnummer] Inne bekinde nie desen man Met hem so en benic niet gewone Oec hebbic lettel met hem te doene Waric oec des mans knecht Ic soude node comen in dit geuecht 2240[regelnummer] Peter eenwerf gelochent heeft Als hi des antwerde gheeft Sijns mesters die was sijn here Het was cout peteren vroes sere Daer wermden hem der ioden vele 2245[regelnummer] Peter sach vier in midden die sele Al was hi serich ende veruert Nochtan ginc hi ten viere wert Daer hi biden viere staet Hem dochte datmen riep vaet 2250[regelnummer] Hi durkede als die besculdicht was Al vroes hem hi sweette als .j. das Een out iode quam te petren saen Daer hi stont vollic gegaen Ende riep man du dunckes mi dul 2255[regelnummer] Du dunckes mi riesheiden al vul In di soe es groet ouerdaet Inne sie die wile dat men di vaet Een man so es geuaen hier Die triwant es ende pantenier 2260[regelnummer] Hi liegt ons allen hi maect sijn spod Hi seget hi es coninc ende god Wi weten wel bi diere gelaet
[Folio 16ra]
Ende oec bi dire talen ende daet Dattu sijn geselle best 2265[regelnummer] Dies mans die seit hi es kerst Bedie dat wi dit weten wel Ende dit waer es hen es niet spel Sietmen di hier staen ende gaen Men sal di houden ende slaen 2270[regelnummer] Peter herde daer iegen swert Dat hi en wilt no hi en geert Niet te wetene van desen man Dien hem die ioden seiden an Here seit peter gi en wet wat gi segt 2275[regelnummer] No wat talen gi voer mi legt Inne bekinne desen man niet Ic en roec oec wat hem gesciet Als peter dese antwerde gheeft Twewerf hi ghelochent heeft 2280[regelnummer] Het en leed niet .j. halue wile dan So quam geloepen een ander man Ende riep knape wat staestu hier Spijsdi desen pantenier Dien wi met rechte hebben geuaen 2285[regelnummer] Die onse afgode heeft ontdaen Du best ries sagemen di hier Men worpedi stappans in een vier Peter wederseide hem al Ende seide ic en wille no en sal 2290[regelnummer] Desen geloeuen die hem maect god An sine tale no an sijn gebod Als peter dese antwerde gheeft Driewerf hi gelochent heeft Als dit gesciede en was niet lanc 2295[regelnummer] Stappans daer na die hane sanc Als die hane gesonghen hadde dan Peter was een serich man Hi begonde te wenen bitterlike
[Folio 16rb]
Ende bepensde hem serichlike 2300[regelnummer] Wat siin mester hadde geseit Wat talen hi voer hem hadde geleit Eer nemmermeer quame dat songe de hane Hi soude driwerf sonder wane Sijns lochenen ende sinen name 2305[regelnummer] Eer nemmermeer middernacht quame Ay lace seit peter sondich lijf Dat ic verwonnen ben caitijf Ic was deerste die seide boude Dat ic siins lochenen niet en soude 2310[regelnummer] Nv benic deerste dies gelochent heeft Al siin lijf van rouwen beeft Hi weende als een serich man Dat hijs gelochent hadde dan nV keren wi weder tonsen here 2315[regelnummer] Die al dit was in groten sere Hoe men lachtert ende sleet Hoe men in groten rouwe leet Men brachtene ten bisscop in die seele Daer vant hi siere viande vele 2320[regelnummer] Die bisscop seide tonsen here dan Wanen bestu segt mi man Ic hebbe gehort van di seggen vele Dies ic di vrage niet en hele Ic bidde di gherne dattu mi lijs 2325[regelnummer] Wanen du coms ende wie gi sijs Du heefs miraclen vele gedaen By wien doedise segt mi saen By wien doetstu al dit lant Al verkeren te dijnre hant 2330[regelnummer] Ane di so houden hem berge ende dale Dat doen dine werke ende dine tale By wien eest dat sie volgen di Inne wilt niet versten segt mi oNse here antwerde. mine tale 2335[regelnummer] Ende mine werken weten wale Die mi hebben gesien ende gehort
[Folio 16va]
Wie die siin doetse comen voert Eer dwaert quam wt sinen monde Een onwert knecht by hem stonde 2340[regelnummer] Gaf hem in sinen hals enen slach Dat hi en horde no en sach Man seit die knecht du en best niet wijs Dattu souts in derre wijs Antwerde gheuen onsen here 2345[regelnummer] Doe quamen ioden groet ende clene Out ende jonc al gemene Si togen onsen here alst ware .j. dief Elc iode sloech op hem ende hief Sie daden hem onsachte ende lede 2350[regelnummer] Sie decten sine ogen met enen clede Hi wijcte hi was saechte als .j. lamp In hem en was felheit no scamp Doe sloech een iode onsen here In sinen hals onsachte sere 2355[regelnummer] Als hine sloech hi seide dan Wie sloech di gerade man Doe quam een ander iode gegaen Tonsen here die was geuaen Ende decte hem thoeft als hine sloech 2360[regelnummer] Als hine geslegen hadde hi loech Ende seide geraetstu sonder waen Wie di sloech ic late di gaen Onse here was oemoedich ende soete Hi wijcte tot op diere ioden voete 2365[regelnummer] Ende gedoechde oetmoedelike Al dat men hem doet in die weke Hoe sere arende hi onse mesdaet Daer menne aldus sere slaet Dit doechde hi al om onsen wille 2370[regelnummer] Onse here die roefde donreine hille Hoe onsachte was hem te moede Hoe sere mochte sijn lijf wesen moede Daer elc iode op hem vacht Dit was al in goeden vrinacht
[Folio 16vb]
2375[regelnummer] aLset dach was in goeden vriendaghe Die ioden brachten manne ende maghe Ende gingen alle in enen raet Die gebose was ende quaet Haer raet was in welker wijs 2380[regelnummer] Sie onsen here van paradijs Mochten tormenten toter doot Die beuaen was in groter noet pYlatus was in dien tide In dat lant breet ende wide 2385[regelnummer] Skeysers van rome was hi man Diet hem beuolen hadde dan Die ioden quamen te pylatus gegaen Onse here met hen die was geuaen Si seiden here siet hier den man 2390[regelnummer] Die god wilt sijn maer hi en can Die bringt in werringen al ons lant Hi heeft verkeert die rijcste tsire hant Hi heeft gedaen al dat hi wilt Hi heeft onse afgode al gestilt 2395[regelnummer] Hi heeft te broken al onse wet Bi hem es bleuen maumet Hi seit wonder hi seit hi es god Hets men dan niet hi maect sijn spod Wy leueren v hem al te hant 2400[regelnummer] Ja en sidi rechtere in dit lant Here doet van hem al v gebod Hi mocht dat sijn hi seit hi es god Iudas donwettege hi was met Dine vercocht hadde iegen wet 2405[regelnummer] Hi wert vael als ene longe Hi seide hort alle out ende ionge Desen man vercochtic v Dien gi hier hout geuaen nv Daer mede maecti alle v spod 2410[regelnummer] Gi mesdoet hi es gewarich god Hi es v here hi es v vader Hem soudi vleien allegader Hi es v god hi es v here
[Folio 17ra]
Hem soudi doen lof ende ere 2415[regelnummer] Vwer alre mesdaet es vele groet Dat gine tormentet toter doet Het was onwet het was onrecht Dat ickene v vercochte ic was sijn knecht Hi was mijn mester hi was mijn here 2420[regelnummer] Al brachtickene in groten sere Die penninge die gi mi gaeft dan Als ic v vercochte desen man Om niet neemse weder alle Dese penninghe met getale 2425[regelnummer] Nu wetic wel ic dede quaet Dat ic verriet dien gi hier slaet Dien gi hier dief ende triwant scelt Hi en ees niet nemt weder v gelt Ne wildijs oec niet ontfaen 2430[regelnummer] Ic worpt voer vwe voete saen Die duuel die wel bedriegen can Out ende jonc wijf ende man Hi was de ghene diet mi riet Van desen die weet al dat gesciet 2435[regelnummer] Hi es soe wijs hi es so vroet Hi weet wel wat elc man penst ende doet Hi weet alle dinc eer si gesciet Ic bade genade maer het ware om niet Die ioden antwerden iudase saen 2440[regelnummer] O iudas gi sijt al ontdaen O iudas wat eest. wats v gesciet Al dat gi segt hets om niet Wat talen segdi ende lijt Wy wanen alle dat gi dronken sijt 2445[regelnummer] O iudas gi dunct ons al ontleert Metten anderen sidi oec verkeert Gi segt dese man dat hi es god Noch wanen wi dat gi maect v spod Wi weten wel dat hi heeft .v. 2450[regelnummer] Begokelt in corten tide nv
[Folio 17rb]
Iudas gi sijt ries ende sod Dat gi dorret seggen dat hi es god Eest oec waer dat hi es v here Waer omme brachtine in desen sere 2455[regelnummer] Ocht gijt brouwet drinket allene Met ons en sijt nemmer ghemene Die haue daer gine oec omme verriet Daer gi mede wort gemiet Ghi wilt weder geuen dat ghelt 2460[regelnummer] Wy en willens niet no gi en selt Iudas of gi quaet brouwet so drinct Met rechte drinct hi quaet die quaet minct Wi en onderwinden ons uwes niet Wy en roeken oec wat v es gesciet 2465[regelnummer] ALs iudas donwettighe dit sach Hi en weet wat hi doen mach Maer hi nam die haue al te hant In sine onwerdighe hant Voer der ioden voete dat hise leide 2470[regelnummer] Penninghe gelijc hort wat hi seide Ocht gi die haue en wilt niet Waer sie voer v voete leit nv siet Die ioden namen te hant dat ghelt Ende cochten een gemene velt 2475[regelnummer] Daer men elken daghelike Binnen grauet arme ende rike Die peelgrime sijn ende comen daer Thilich graf versoeken ic seggu waer Donwerdige iudas donwettege man 2480[regelnummer] Die vermaledide sciet van hem dan Ende nam een zeel in sine hant Ende verhinc hem seluen al te hant Desen loen hadde hi daer af Daer hi sinen here den ioden gaf 2485[regelnummer] Of hi quaet brau hi allene drinct Dus loent die duuel die quaet minct Dus loent die duuel mannelike
[Folio 17va]
Es hi ionc out arm ofte rike Die hanghen alle aen sinen raet 2490[regelnummer] Sijn loen hi es emmer quaet Binnen dien dat dit was gesciet Die ioden en lietens hier omme niet Sie tormenten gode onsen here Sie leiddene te pylatuse met groten sere 2495[regelnummer] Daer waren ioden groet ende clene Sie leddene te pylatuse algemene Here pylatus gi sijt in dit lant Vogt ende rechtere hets in v hant Dats hier sede ende recht 2500[regelnummer] Daermen vint man ofte knecht Die boesheit driuet oft onwet iaget Datmen v ouer hem claghet Daer ghi die waerheit prouen mocht Dat gine verdoet en siin vocht 2505[regelnummer] Dat seggen wi om desen pantenier Dien wi gevaen houden hier Hi seit hi es onser alre god Met ons allen maect hi sijn spod Al seit hi ons sine tale scone 2510[regelnummer] Wy prisenne men dan een bone Sijn sermoen ende sine wart Sine werken ende sine vaert Heeft die beste alle in dit lant Verkeert ontrect te siere hant 2515[regelnummer] Hi wilt ons allen oec verbieden Armen riken allen lieden Dat wi tseins gelden niet Den keyser hoe mach dat sijn siet Here pylatus doet ons ene bede 2520[regelnummer] Ondervint des mans sede Vraecht wanen hi comt ende waer hi wilt
[Folio 17vb]
Waer toe hi onse wet heeft gestilt Pylatus was vocht int lant Hi vraechde onsen here al te hant 2525[regelnummer] Segt mi man wies onderwinstu di Bestu gods sone segge mi Dese heten mi dat ic v vraghe Wie du best wie sijn dine maghe Bestu coninc ende god 2530[regelnummer] Die ioden die met di maken spod Soe wat vernoeye so di gesciet Du swichs al stille dune wers di niet So wat tormente so men di doet Du dunckes mi oetmoedich ende vroe[t] 2535[regelnummer] Du best verduldich ende sachte Wanen comt di dese gedachte Daer men stercte minen onwille Ic mochte vele bet swigen stille Dit seit pylatus god onse here 2540[regelnummer] Suech al stille ende suchte sere Pylatus keert hem ten ioden Ende seit mi dunct in minen sen Dat gi sijt sot alle ende kint In vende in desen quaetheden en twint 2545[regelnummer] Wat eysche di hem wat es v wille Dese doet best hi swijcht al stille Ic wane gijt horet alle ende saghet Dat gi mi baet ic hebs hem gevraghet Hine mesandwert niet en twint 2550[regelnummer] Hi dunct mi eenwldich als een kint Omme dat ic geloeuen can So ne canic vinden in desen man Sonde. mesprijs. no dorperhede Maer sachtheit. gemate oetmoediche[de] 2555[regelnummer] Vondic oec an hem mesdaet Dat hi dreue boesheit ende quaet So vaste es hi in mine hant
[Folio 18ra]
Ic soudt hem gelden al te hant pYlatus hi en seide niet meer 2560[regelnummer] Die ioden hadden alle seer Ende riepen en heeft hi niet vele mesdaen Dat hi onse wet heeft ontaen Wat dunct v heren raet en es hi sot Dat hi hem der heten got 2565[regelnummer] Doet ons recht dat es ons lief Men crucene saen als enen dief Hi es logenare ende pantenier Al heeft hi v begokelt hier Ia en sidi rechtere in dit lant 2570[regelnummer] Cruustene cruustene al te hant Binnen dien dat dit was. pylatus wijf Die hadde een harde ontfermich lijf Sie bat hem dat hine liete gaen Dien man dien hi daer hilt geuaen 2575[regelnummer] Pylatus seise ic ben v wijf Ic ende gi dat es een lijf Deen es den anderen sculdich trouwe Loest desen man van desen rouwe Tehant omtrent der middernachte 2580[regelnummer] Als men desen tormente onsachte Ic horde ende sach daer selke sake Daer ic om ben tonghemake Om dese sake die ic sach Dien man laet gaen oft wesen mach 2585[regelnummer] Ic weet bi dien boekine wel Dat hi en es no suer no fel Genadech hem pylatus sijt Dit was omtrent primetijt TE paeschen so was hare wet 2590[regelnummer] Die die ioden hadden geset Daer .ij. mesdadege waren geuaen Datmen den enen late gaen In dien tide was barnabas
[Folio 18rb]
Geuaen dies hi mesdadich was 2595[regelnummer] Al was hi iode hi hadde mesdaen Om sine mesdaet was hi geuaen Pylatus quam ten ioden gegaen Ende seide hier sijn si .ij. gevaen Barnabas om dat hi was sot 2600[regelnummer] Ende dese man die seide hi es got Welken wildi laten gaen Van desen tween die sijn gevaen So barnabasse so desen man Die ioden riepen alle dan 2605[regelnummer] Here barnabasse laet gaen Ende desen man laet ons verslaen Al heeft barnabas nv mesdaen Hem berouwes hi wils afstaen Hi es hoge man ende wel geboren 2610[regelnummer] Dat ware onrecht bleue hi verloren Maer dese man hi dunct ons sot Om dat hi segt dat hi es got Dese man heeft onse wet ontaen Met rechte wert hi anden cruce gedaen 2615[regelnummer] Die die selke voere iaget Ende hem dus ouer al beiaget Ghehinghes here ons allen eyst lief Dat wine voeren als enen dief Here pylatus gi sijt in dit lant 2620[regelnummer] Rechtere cruustene al te hant Als dit was groet ende clene Riepen si lude alle gemene Here barnabasse laet quite gaen Dien gokelere laet ons verslaen 2625[regelnummer] Pylatus saen antwerde geeft Alse die boec ghescreuen heeft Heren wetti wat gi iaghet Wetti waertoe gi v beclaghet Dese man hi dunct mi god 2630[regelnummer] Dat gine dus iaget gi dunct mi sod
[Folio 18va]
Gine wet entwint niet wat gi doet Dat gine torment dus gi mesdoet Alse pylatus sprac dese tale Doe seide een gi en segt niet wale 2365[regelnummer] Pylatus gi doet ons verstaen Dat dese man die hier is gevaen Iegen v so heeft ghedaen Dat gine quite wilt laten gaen Hier en es no ionc no out 2640[regelnummer] Hi en wane dat ghijs hebt gout Dat ghi hem dus ghenadich sijt Dat gi dus sinen wille lijt Dus en comt hijs niet en woch Om niet pijndijs pylatus noch 2645[regelnummer] Eest v leet ocht eest v lief Wy selenne voeren als enen dief Doe quam een ander iode wel out Ende seide geselle en sijt niet stout En spreect niet tonsen here stoutelike 2650[regelnummer] Laet mi spreken oetmoedelike Here pylatus gi sijt onse here Dicke hebdi ons gedaen grote ere Gi en waert noyt eer tonswert fel Maer ons dadi altoes wel 2655[regelnummer] Nv doet ons ere wi hebbens noet Laet ons desen man bringen ter doet Dat wanic en wert hi niet verdaen Gi ende wi sijn al ontaen Al bidt v wijf dat gine laet gaen 2660[regelnummer] Doedijt gi hebdt wel herde mesdaen Wildi oec horen na wiue tale So en houdi nemmer vogdie wale Pylatus antwerde wel saen nv Laet mi met gode ende hebtene v 2665[regelnummer] Inne onderwinde mi des mans niet So wat heden oft margen gesciet
[Folio 18vb]
Dat v allen condich si Dat die onscout es binnen mi So wat van hem wert gedaen' 2670[regelnummer] Stont an mi ic lietene gaen Als hi dit sprac doen riepen si alle Die bittere als ene galle Here pylatus gi segt wale Ons allen becomt wel uwe tale 2675[regelnummer] Hier en es no ionc no out Die wilt dat gijs hebt scout Gaet op hoer ende swicht al stille Laet ons van hem doen onsen wille Wi dorren wel wesen so bout 2680[regelnummer] Ende onse kinder sijn si ionc ofte out Dat wi sire doet hebben scout Ende en gauen wi daer omme onse gout Nv bidden wi v wel lieue here Dat gi ons allen doet groet ere 2685[regelnummer] Dat barnabas moete quite sijn Ende desen nemen dat leuen sijn Als pylatus dit horde ende siet Dat het en mach bliuen niet Ihesus en moeste sijn verdaen 2690[regelnummer] Hi lietene vter persen saen Hi seide man hier es dus gevaren Inne mach di gehulpen no bewaren Men moet di crucen sonder waen Heden desen daghe saen 2695[regelnummer] Waer omme laetstut wat deert di Ochte du segs de waerheit mi Met mi so machstu wel sijn coene Du heefs oec met yemene lettel te doene Eest logene eest waerheit dattu iaegs 2700[regelnummer] Est waer dies du di behaechs Du best god segstu ouer waer Dat maecstu al den ioden maer
[Folio 19ra]
Eest waerheit so bestu verdaen Liegstu daer omme du salt ontgaen 2705[regelnummer] Onse here antwerde pylatuse saen Ic ben god seit hi sonder waen Ic ben coninc ende god Der ioden die maken haer spod En ben nemmer so veruert 2710[regelnummer] Dat ic des trecke achterwert In dart wel seggen ouerwaer Dat ic ben god want het es waer Doe seide pylatus al te hant Du wets wel dat in mine hant 2715[regelnummer] Dine doet es ende dijn leuen Dat ic di mach beide geuen Willic ic mach di laten gaen Willic ic mach di te doet slaen Dijn lijf dine doet es in mine hant 2720[regelnummer] Want ic ben meyer in dit lant oNse here wel soete antwerde geeft Daer hi van vruchte staet en beeft Pylatus seit bi dine cracht Dijn gewilt ende dine macht 2725[regelnummer] Die du hefs comt di van my By my eist al dat seggic dy Pylatus keert ten ioden saen Ihesus met hem die was geuaen Heren seit hi gi iaghet quaet 2730[regelnummer] Doet wel ende soeket anderen raet Ic dar wel seggen oppenbare Dat dese man seit dat es ware Hi es v coninc ende .v. god Waer toe maecti met hem v spod 2735[regelnummer] Hi es onwettich ende sod So wien niet en hout ouer sinen god Iegen v so en heefti niet mesdaen Waer toe wildine crucen gaen
[Folio 19rb]
Bekeert v ende gaet tanderen rade 2740[regelnummer] Ende roept op desen man genade [D]Ie ioden valsche ende gebose Maecten nv vele grote nose Ende riepen alle gemeene Ionge oude grote ende clene 2745[regelnummer] Wi en willen anderen coninc negenen Dan sesare onsen keyser allene Eyst in paeschen eyst in rinc Wi en willen anderen coninc Dan desen keyser onsen here 2750[regelnummer] Hem willen wi dragen lof ende ere Doen seide .j. iode kinder swich stille Ic sal nv seggen minen wille Here pylatus bedinct v bat saen Van desen die hier es geuaen 2755[regelnummer] Gi wiltene quite laten gaen Wist die keyser gi waert ontdaen Men mach hier groet wonder sien Dat gi v pijnt gi en wet wien Coninc te maken ouer onsen here 2760[regelnummer] Wet gi selet amen seere Als pylatus dit vernam Die tale hem niet wel en bequam Hi was in vruchten ende in varen Want quaemt sinen here in maren 2765[regelnummer] Die hem beuolen hadde dat lant Hi sout hem nemen uter hant Dies pylatus dit ontriet Ende oec dat hem de duuel riet Hi quam gelopen tonsen here 2770[regelnummer] Ende toegene onsachte scre Hi scorde ons heren cleder saen Soe trachine daer hi stont geuaen Hi dwanckene an die selue wile Ende bantene vaste an enen stile 2775[regelnummer] Daer hine anden stile bant
[Folio 19va]
Daer was gereet wel menege hant Dan lietense barnabasse gaen Ende onse here bleef gevaen Als een onsculdich serich man 2780[regelnummer] Tsueet hem tallen leden wt ran Sweet en bloet so storte hi daer Doer onsen wille dat was waer Doen riep daer wel menich quaet Inne weet oft hi vaste staet 2785[regelnummer] Dese man heeft so vele gedaen Ic duchte dat hi mach ontgaen Hen leet doe niet .j. half wile Twee ioden quamen toten stile Elc brachte ene ghesele in sine hant 2790[regelnummer] Ende gheselden onsen here te hant Sine vierden niet maer al in een Gheselden sine tote in de been Sijn bloet ran hem op sine voete Soe wee was hem al docht hem soete 2795[regelnummer] Als dese ioden moede waren Twee andere quamen saen gevaren Ende geselden gode onsen here So ongemate ende soe sere Dat sine tranen vielen op die erde 2800[regelnummer] Dat hi sijns selfs inde gerde Daer maecte menich iode sijn spod Ende riepen alle man bestu god Bestu coninc ende onse here Waer omme staetstu in desen sere 2805[regelnummer] Al dat sie op hem riepen dan Hi stont als een serich man Al dat si sloeghen hi swech stille Dit doechde hi om onsen wille Dat hi daer stont gebonden 2810[regelnummer] Dat was al om onse sonden Al dat menne geselt ende slaet
[Folio 19vb]
Dat was al om onse mesdaet Om sine verdiente en waest niet Dat ihesus hem tormenten liet 2815[regelnummer] Ne hadde hi gedoecht desen noet Ende daer na die bitter doet Al tfolc dat nie was geboren Dat ware al in die helle verloren Dies die here van hemelrike 2820[regelnummer] Doechde passie om arme ende rike Wy souden peisen dach ende nacht Hem te dienene na onse macht Dicke bidden ende waken Hoe wi dat mochten geraken 2825[regelnummer] Dat wi quamen te sinen rike Daer omme souden wi pensen manlike nV keren wi weder tonsen here Die stont gebonden onsachte sere Datmen gheselt ende perst 2830[regelnummer] Dies dorsti seggen hi waer kerst Alsene pylatus dus heeft Gheleuert. dan hi orlof gheeft So wie daer es die soe vele mach Dat hi ihesuse geue stoet ofte slach 2835[regelnummer] Kinder seit hi gaet te hem noch Die niet en slaet hi worpe doch En ontraet v niet maar maect v bout Ic gheue v orlof eest ionc eest out Soe wie so mach den man geslaen 2840[regelnummer] Hi sal sijn al ongeuaen Daer en was niemen diet nv liet Alst hen dus pylatus hiet Hi en sloech mochte hi onsen here En sloech hijs niet hi werpen sere 2845[regelnummer] Onse here gaf wel menegen sucht Daer na so werp so menich wocht Hoe onsachte ihesus suchte gaf Daer so menich colue slach Om hem heffet ende sleet
[Folio 20ra]
2850[regelnummer] Niemen daer sijns en meet Deen riep den anderen vanc slach Ihesus antwerde ay lase o wach Doen riepen dandere stoet herde hijs god En hendert hem niet hi maect sijn spod 2855[regelnummer] Hoe wee was siere herten te moede Daer so menege scarpe roede Stac in sine soete huut Datter dat bloet sepelinge ran wt Daer die iode warp ofte sloech 2860[regelnummer] Als ihesus suchte die iode loech Doen quam geloepen een out iode Die van gheselenne was herde moede Ende brachte met hem .j. mantelkijn Ende hinct ihesuse an die scouderen sijn 2865[regelnummer] Doen quam een ander iode gegaen Tonsen here die stont gevaen Ende brachte met hem een roedekijn Ende gaeft ihesuse in de hant sijn Doen riepen si hadde hi ene crone 2870[regelnummer] Scarp van dorne soe waer hi scone Dan waer hi coninc na sijn recht Doe quam een wel onwert knecht Ende brachte dorne wel gereet Scarpe ruwe. een iode geet 2875[regelnummer] Ende maecter af ene scarpe crone Onsen here vanden trone Ende settese hem op sijn hoeft saen Ihesus nicte die was geuaen Een iode die crone so vaste op sijn hoet perst 2880[regelnummer] Die op sijn hoet hilt de heilige kerst Dattere dat bloet vte ran Vele onsachte suchte ihesus dan Ihesus hadde alsoe menege wonde Alsoe meneghen doren hi beconde 2885[regelnummer] Nu begonsten si op hem te berne
[Folio 20rb]
Fellijc ende oec te scerne Sie knielden ende maecten haer spod Ende riepen her coninc her god Ghi sijt onse coninc ende onse here 2290[regelnummer] Met rechte doen wi .v. dese ere Elc iode stont erre als .j. hont Hen scumden de tande als enen hont Si waren verwoet ende dul Sie waren alle venijns wl 2895[regelnummer] [D]Ie ioden ontbonden onsen here Als hi was ghegeselt sere Ende daden hem sine cleder an Een iode riep vele lude dan Her coninc nu swichdi stille 2900[regelnummer] Nu doen wi van v onsen wille Neemt dit cruce op uwen hals saen Comt met ons daer wi willen gaen Ende draecht dese cruce met Wi selen v leren onse wet 2905[regelnummer] Doen riep een out iode vele saen Ocht giere selt sijn ane verdaen Ghi moetse selue dragen saen Gi moetter die doet ane ontfaen Om niet eest dat ghi gherne let 2910[regelnummer] Gi moetse selue dragen met Hefse selue op uwen hals saen Ochte neen ic sal v slaen Wat twifelt v wat stadi stille Ic heet v doet minen wille 2915[regelnummer] Ihesus onse wel lieue here Begonste te wenene onsachte sere Ende sleet sijn heileghe hant An dat cruce al te hant Dat cruce was swaer ende lanc 2920[regelnummer] Hi en const geheffen hi was so cranc Dat en was niet wonder dat hi cranc was
[Folio 20va]
Hi was ghemaect moede ende las Die ioden maecten haren spot Ende hieuen hem dat cruce op 2925[regelnummer] Hi droecht te caluarie dan Daer volgede mede menich man Te caluarie was dan sede Daer men die dieue verdede Dat daer onse here die cruce droech 2930[regelnummer] Daer was menich iode die loech Dies hise droech soe cranckelike Nochtan droech hise oetmoedelike Een man quam ieghen hen gegaen Die symon hiet si riepen saen 2935[regelnummer] Die ioden hieten symon dan Dat hi holpe draghen den man Symon hine dorst laten niet Hi nam dat cruce als ment hem hiet Ende halpt draghen onsen here 2940[regelnummer] Die ginc al beuende vele sere Alsie te caluarien quamen toe Een jode ontbant ihesuse doe Die vaste riemen ende die bande Die geperst hadden sine hande 2945[regelnummer] Daer die iode dat cruce recht Daer was gereet wel menich knecht Daer hise wilt setten al te hant Daer was gereet wel menich hant Die daer dat cruce vesten in deerde 2950[regelnummer] Daer was menich iode die gherde Te siene die passie ende die noet Ende ons heren bitter doet Dit hadde onse here selue vercoren Om sijn volc dat was verloren 2955[regelnummer] Papen leec wijf ende man Mochten hier nemen boekin an
[Folio 20vb]
Wy en souden siin condich no fier Om dat wi moghen merken hier Hier horen wi grote oetmoedichede 2960[regelnummer] Die onse here selue dede Wi souden sijn gemate niet fier Om dat wi moghen merken hier Hier horen wi grote oetmoetdechede Die onse here selue dede 2965[regelnummer] Wi souden sijn gemate niet fier Om dat wi an ihesuse mogen sien Hi was oetmoedich ende gemate In hem was so groten karitate Dat hi om ons hem seluen gaf 2970[regelnummer] Ende was gheleit in een graf Dit dogede hi om ons al gader Die was ende es ons ewelijc vader Die ioden gingen alle omtrent Ende gereiden dat torment 2975[regelnummer] Hoe dat cruce soude staen Daer ihesus ane soude sijn verdaen Die wile dat sie onledich gaen Onse here viel in kniegebede saen Daer hi ieghen derde lach 2980[regelnummer] Hi suchte dicke al dat hi mach Hi gruette dat cruce scone ende wale Dit was ten cruce sine tale cRuce di heb ic begheert Cruce di heb ic wel weert 2985[regelnummer] Cruce du gewords ter goeder tijt Cruce du best gebenedijt Ic ben god marien sone Ic sal an di eer heden noene Steruen ende laten mijn leuen 2990[regelnummer] Om mijn volc het es gescreuen Cruce du waers tote nv gehaet
[Folio 21ra]
Men hilt di al ouer quaet Voert meer so saltu sijn gemint Al dat ic sal siin bekint 2995[regelnummer] Ay cruce al hebic di so wert Hoe sere es mijn herte ververt Dat si ane di al sonder waen Scoren cliuen sal herde saen Ay cruce ic hebbe ane di vercoren 3000[regelnummer] Te steruene om die sijn verloren Dies ic deeluen sal an di Cruce daer omme saltu sijn so vri Dat die gemene werelt al Di vleien ende aenbeden sal 3005[regelnummer] Cruce du salt wesen scilt Iegen elx sduuels gewilt Cruce an di sal menich man Van mi nemen boekin an Cruce du salt sijn geeert 3010[regelnummer] Dine salichede sal sijn gemeert In di salic storten mijn bloet Diet deert ofte wert hi en is niet vroet Cruce ic gheue di voert meer leen Dat wijf no man en es negheen 3015[regelnummer] Die op mi met herten roepen genade Eyst nacht dach vroech oft spade Datten de duuel nemmer en scint Es hi in node es hi in tormint Hine si seker ende vri 3020[regelnummer] Ieghen den duuel dat geuic di Cruce en haddic di niet vercoren Al die werelt bleue verloren Ic vergeue hem sine mesdaet So wie mi torment ofte slaet 3025[regelnummer] Ay cruce heilich ende goet Daer ane ic steruen moet

Vorige Volgende

Vanden levene ons Heren

Vanden levene ons Heren [2016-3026]

Over het gehele werk

auteurs