Vanden levene ons Heren

(1968)–Anoniem Levene ons Heren, Vanden– rechtenstatus


Vanden levene ons Heren [1034-2015] HOert wat onse here dede te hant 1035[regelnummer] Hi ginc castien ouer al siin lant Hi brac donwet die was geset Ende dede die besondichde van hare wet Hi toende hem saen der werelt al In derre wijs dat ic .v. segghen sal 1040[regelnummer] Daer men kermesse oft brulocht dede Daer vele volcs was daer was hi mede Bedi quam hi daer vele volcs was Om dat hi daer castide ende las Wie hi was ende wat hi wilde 1045[regelnummer] Hi meneghen van sinen sonden stilde Hen was niemen in soe grote mesdaet Maer stont hijs af ende sochte raet Hine vergaf hem sine mesdaet dan Dus bekeerde hi menegen man 1050[regelnummer] xij. ghesellen ginghen met hem Tote dat hi quam te iherulem Elken wijsde hi ende leerde Hoe hi donwetteghe bekeerde Hi gaf hen sin hi makese wijs 1055[regelnummer] Si gauen meneghen dat paradijs
[Folio 8ra]
Hare ghewerke ende hare tale Bekeerde meneghen sondeghen wale Teer stont geuiel gode onsen here Ende sinen iongheren die hem daden ere 1060[regelnummer] Dat sie quamen in eere stat gevaren Daer vele ioden gegadert waren Onse here seide den joden ose wet Die ons noch heden es gheset Die ioden wederseidenne al 1065[regelnummer] Alsoe als ic v segghen sal Hi seide so vele hi seide so wel Den ioden. die wreet waren ende fel Dat sie waren alle in vare Sie seiden dat gokelie ware 1070[regelnummer] Onse here seide wel hi ne swech niet stille Si saghen op hem met wreden wille Soe hi meer dede so hi meer seide Elc vanden ioden niet op hem leide Alle die sieke die waren int lant 1075[regelnummer] Die gheloue hadden ganste hi te hant Die cropele waren. blent oft doue Ganste hi te hant hadden si gheloue Menegen doden dede hi leuen Blende sien. dit es ghescreuen 1080[regelnummer] Meneghe miracle dede dan Die ic alle gesegghen niet en can Alsoe langhe als dese werelt sal staen Die miraclen die dan waren gedaen Ende god doet ende sint ende eer 1085[regelnummer] Men salre af lesen emmermeer Als onse here dese vertuut hadde gedaen Die ioden gingen te rade saen Soe valsch ende soe gebose Sie maecten onder hen grote nose 1090[regelnummer] Sie hadden onwert sine waert Sine tale. sine werke. sine vaert
[Folio 8rb]
Sie seiden wie es dese man die dit doet Sine tale en dunct ons niet goet Wy ontraden hi moghe verkeren 1095[regelnummer] Ons volc met sire talen ende oflteren Wedersegghen wi sine tale Dat sie ons niet en verkere so doe wi wale Si seiden wanen comt dese man Die dus onse volc bedrieghen can 1100[regelnummer] Doe sprac .j. iode heren hort na my Hoert wanen hi comt ende wie hi sy Hi wille ons allen doen verstaen Met miraculen die hi heeft gedaen Dat hi god selue es 1105[regelnummer] Hets min dan niet jc seg .v. wie hi es Dese ioseph was sijn vader Een arm cranc man si horden algader Hi hadden van marien sinen wiue Sie geneerden hem beide met armen liue 1110[regelnummer] Wanen comt hem dit gheval Dat hi heeft dese gracie ouer al Tfolc dat wijst hi ende leert Ic weet wel dat hijt al verkeert Doe sprac .j. iode ghi segt wale 1115[regelnummer] Hoert mine redene ende mine tale Wy sijn joden wel gheboren Van hoghen gheslachte sijn wi vercoren Wet geselscap heb wi ghesworen Breke wijt nu. wi sijn verloren 1120[regelnummer] Selen wi gheloeuen desen man Die al tfolc begoclen can All sine tale an sijn ghebot Newy. maer anden hoghen god Dat god dede onsen vorderen ere 1125[regelnummer] Hi quitese alle van groten sere Van sconincx pharaons knechten In sine heruaert in sine gevechten Wille god hi quite ons van hem Hi brachte ons tote iherusalem
[Folio 8va]
1130[regelnummer] Die leuer zee ontploec iegen ons Alse ons iaghede there pharaons Hy maecte ons wech sachte ende zoete Wy leden die zee met droghen voete Als wi die zee leden waren 1135[regelnummer] Al there dat na ons quam gevaren Die zee loec weder het verdranc Daer en was niemen hi en versanc Nu si wi so quite ende vri Dat hier en es keyser no coninc bi 1140[regelnummer] Die ons mogen gedvingen yet Seggic waer merct alle ende siet Moeyses gaf ons dese wet Die ons allen es gheset Die hem god screef ende gaf 1145[regelnummer] Nemmer en selen wiere sceden af Wat waent dese quade man Waent hi onse wet breken dan Neen hi niet hi pijnt om niet Also langhe als onser sal wesen iet 1150[regelnummer] Onse here god hi hoerde al toe Dat hem die ioden seiden doe Haer tale hi wel gemerct heeft Hen allen hi antwerde gheeft Ghi sijt onwettich ghi sijt verloren 1155[regelnummer] Ghi hebt v seluen al versuoren Ter quader tijt waerdi geboren Donreine hille heeft v vercoren Ghi hebt onwert mine tale Ende mine ghewerke gi en doet niet wale 1160[regelnummer] Ghi sijt bitter als ene galle Sduuels kinder sidi alle De duuel heeft v allen gesact Om hem peinsdi ende waect Ic die v. ghesciep ende makede 1165[regelnummer] Mi sceldi triwant ende verrakede Om v dedic miracle scone Ic quite v van pharaone Ic dedu doecht ic dedu eere
[Folio 8vb]
Ic ledichde v van groten seere 1170[regelnummer] Ic dede doer v. miraclen groet Ic gaf v planteyt wijn ende broet Gi loghenet mijns gi begaeft mi al In diere wijs ic v segghen sal Uwer negheen es gheboren 1175[regelnummer] Hine hebbe enen afgod vercoren Dien gi vleiet dien gi minnet Dat gi noyt vwen god en bekinnet Ghi hebt onwert gode ende sine wet Elc aenbeet sinen mamet 1180[regelnummer] In dese manieren in derre wijs Sidi verstoten van paradijs Haddi ghehouden wel die wet Die moeyses v hadde gheset Haddi ghevleyet gode den vader 1185[regelnummer] Soe waerdi salich alle gader Ghi en daet des niet maer uwen wille Daer omme seldi in donreyne hille Nu es comen marien sone Donwet te brekene ende wet te doene 1190[regelnummer] Sine wet es heilich ende goet Salich den ghenen diese doet Ic ben marien sone got Ic wille v seggen miin ghebot Miin gebot ende mine tale 1195[regelnummer] Wel hem dise hoert ende houdet wale Hen es niemen die sijn geboren Die my onwert hine sy verloren Die houdet die gebode mijn Hi sal int paradijs sijn 1200[regelnummer] Hout mine ghebode soe doedi wale Ic segge v nv hoert mine tale Die v vernoey ofte euel doet Ne haettene niet maer doet hem goet Die v nidet ofte haet 1205[regelnummer] Vergheuet hem dat es mijn raet Mint v viande alle in gode Houdet wet ende mine gebode
[Folio 9ra]
Mint uwen evenkerstijn inden name mijn So selen v v mesdade vergeuen sijn 1210[regelnummer] Eeret moeder ende vader Weest oemoedich al gader Morwe herte hebt op die arme Daer ghise siet v haers ontfarme Haue rijcheit hebt onwert 1215[regelnummer] Daghelijc broet dat bidt ende begert Weset suuer ende reene Ne geert niet het en si duwe allene Ne verraet ne ghenen man Scuwet vermesamheit ende ban 1220[regelnummer] Vleiet die papen eert die clerke Vroech ende spade sijt inde kerke Ghehoert uwen pape eer yemen el Doet dat hi seit soe doedi wel Sine tale dat siin mijn gebode 1225[regelnummer] Dat hi seit dat comt van gode Vellet euel ende strijt Ouer al daer ghi sijt Scuwet ommate ende ouerdaet Die es becommert gheeft hem raet 1230[regelnummer] Mint trouwe ende waerheit in alle tijt Sachte soete oetmoedich sijt Mint mijn ghebot hort mine tale Doet dat ic segghe so doedi wale Die doet dat ic hebbe gheseit 1235[regelnummer] Ende diet in sijn herte leit Eest man ofte eest wijf Hi es vroet ende hi es wijs Hi sal int hoghe paradijs Hebben dat euwelike lijf 1240[regelnummer] Ic ben v god ic ben v here Mi seldi gheuen lof ende ere Bedi so quamic onder v Donwet te brekene die gi hout nv
[Folio 9rb]
aLs ihesus dit sermoen hadde ged[aen] 1245[regelnummer] .V^m. joden sonder waen Weenden hare sonden allegader Sie bekeerden hem te gode onsen vader Si liepen alle tonsen here Si riepen god hebbe lof ende are 1250[regelnummer] Dine gewerke ende dine tale Willen wi houden gerne wale Sie vielen op ons heren voete Sie aenbedene minlijc ende soete Al sijn gebod dat dochte hen goet 1255[regelnummer] Elc sine wet hout ende doet Onse here antwerde vele soete Den ioden die laghen op sine voete U mesdade siin vergeuen .v. Laet donwet die gi houdt nv 1260[regelnummer] aNder ioden waren daer Als si dit saghen si hadden vaer Die niet en geloefden onsen here Si waren in vruchten ende in sere Dat si saghen hare wet 1265[regelnummer] Te broken ende achter geset Sie stonden serech ende ondaen Dat hare afgode waren vergaen Sie sien hare wet te broken al Sie ontraden dat maumet bliuen sal 1270[regelnummer] Sie stonden alle serech ende veruaert Dat hare afgode sijn onwaert Sie hadden saen alle ene gedachte Elc onsen here spiedde ende wachte In welker wijs sine mogen vaen 1275[regelnummer] Verraden houden ende verslaen In meneger manieren in meneger wijs Wachten sie gode van paradijs Hoe hi mochte sijn verraden doch Het was om niet die wile en was niet noch
[Folio 9va]
1280[regelnummer] Langhen tijt hadden dese noese Die valsche ioden ende die gebose Dat sine en mochten betrapen niet Onse here die weet al dat gesciet Sie seiden die waren fel ende bout 1285[regelnummer] Het soude doen seluer ende gout Dat marien sone soude verslaen Die al haer afgode hadde ontaen Sine letten niet maer al te hant Alle die ioden die waren int lant 1290[regelnummer] Gaderden hem in enen raet Die was fel geboese ende quaet Een out iode seide heren hort mine tale Versie wi ons soe doe wi wale Wat selen wi doen waer selen wi varen 1295[regelnummer] Wine connen ons versien noch bewaren Dese man hi doet al dat hi wilt Hi heeft ons afgode al gestilt Ghehinge wijs langer wi sijn ontset Hi verkeert ons hi brect onse wet 1300[regelnummer] Wy selen verraden ende vaen Daer na selen wine te steen doot slaen Ghedoghe wi langher dese daet Ende sine gewerke dats niet mijn raet Ghedoghe wi langer dat hi doet 1305[regelnummer] Wy ne hebben nember ere no goet Doen sprac .i. iode hiet cayphas Die hen hare wet spelde ende las Hi was haer biscop ende haer vader An hem gheloefdense alle gader 1310[regelnummer] Hi seide kinder hoert mine tale Ic ben .v. biscop nv merket wale Dat ic te mettenen eenwerf was Daer vandic in enen boec ende las Dat een man om sijn volc steruen moet 1315[regelnummer] Ic wane het es dese die miraclen doet Ic wane oec dat hi es gheboren
[Folio 9vb]
Die steruen sal om die sijn verloren Sint ic dit gescreuen sach Merct dit kinder wat het wesen mach 1320[regelnummer] Ic was in vruchte ende in vare Ic ne wilt nochtan niet maken mare Alse die biscop dit hadde geseit Elc iode niet op jhesuse leit Hoe sine emmer moghen vaen 1325[regelnummer] In welker wijs ende moghen slaen pAeschen naecte dat hoge getide Dat al die ioden waren blide Die ioden hadden in hare wet En tsaterdaechs paeschen geset 1330[regelnummer] Die wile naechte het moeste wesen Verwlt dat men hadde gescreuen God die van marien was geboren Steruen soude om die waren verloren Iherusalem ginc hi versien 1335[regelnummer] Nochtan wiste hi wat soude gescien Om ons wilde hi storten sijn bloet Onse here weet al dat men doet Daer hi hersochte iherusalem xij. sire iongheren gingen met hem 1340[regelnummer] Daer sie quamen in enen dale Onse here sprac te hen dese tale Ghi heren seit hi hoert na my Hoert mine tale merct wat sie si Ic hebbe v. lief gi sijt mijn vrient 1345[regelnummer] Mi hebdi harde wel ghedient En weset niet rouwich maer weset blide Wi moeten sceden in corten tide Iherusalem ga wi versien Ic seg .v. wat nv daer sal gescien 1350[regelnummer] Donwettege volc dat niet ne vroet Dat trouwe. no wet. no waerheit ne hoet Dat sijn die ioden wreet ende fel Mi te verslane sin geren niet el
[Folio 10ra]
My selen sie verraden saen 1355[regelnummer] Mi selen sie houden ende vaen Mi selen sie geselen ende slaen Mi selen sie crucen sonder waen Mi selen sie dorne setten op mijn hoeft Mi selen sie onwerden des mi geloeft 1360[regelnummer] Mi selen sie spuwen in minen mont Mi selen sie onwerden als enen hont Anxt. seer. vernoy. ende rouwe Salic dogen om mine trouwe Ic moet laten daer mijn leuen 1365[regelnummer] An den cruce het es ghescreuen oNse here god hine seide nemmeer Sine iongeren hadden alle seer Si waren rouwich si waren in vrochte Si pensden hoe dit wesen mochte 1370[regelnummer] Peter sijn getrouwe vrient Die hem voer alle best hadde gedient Daer hi van rouwen staet ende beeft Ihesuse hi aldus antwoerde gheeft Here gi segt uwen wille 1375[regelnummer] Mine ghesellen swigen al stille Wy wilden dat dit noch te seggen ware Dat gi hier nv maect so mare Ghi sijt soete ende sachte Bedi seldi doen al v ghedachte 1380[regelnummer] Dat gi gheseit hebt tote nv Wi wilden dats berouwen moeste v Ghi sijt een so scone man Wat ghedachten hebdi dan Wildi. ghi leuet emmermeer 1385[regelnummer] Waer omme gadi dan in dit seer Onse here antwerde peter dine tale Es kinscheit groet dat dunct mi wale Dune wets niet al dat ghesciet Noch minen wille ne wetstu niet
[Folio 10rb]
1390[regelnummer] Du segs berouwen moets my Berouwes mi ic segghe dy Al de werelt die ware verloren Die noit was ende es gheboren Als onse here dit sprac tote hem 1395[regelnummer] Hi ginc tote bi iherusalem Tote bethanie oetmoedelike Dit was voer paescen ene weke dAer quam maria magdalene So besondicht wijf ne was ne gene 1400[regelnummer] Daer onse here predicte ende las In symons huus daer hi geherbercht was Sie croep onder stoel ende onder banc Tonsen here dat sie ghedranc Sie croep met handen ende met voeten 1405[regelnummer] Onsen here sie wilde anegroeten Doen sie tons heren voeten quam Eene busse dat sie nam In die busse was salue soete Sie bat van haren sonden boete 1410[regelnummer] Sie droghese na met haren hare Van haren sonden was sie in vare Sie riep god ghehore my Hoer mine sonden ic segse dy Ic ben een besondichste wijf 1415[regelnummer] Die nie ter werelt ontfinc lijf Sie beweende hare sonden sere Sie riep genade gheweldich here Ghenade ghenade god ende man Dune ghehors mi wat salic dan 1420[regelnummer] Sie dwoech met tranen ons heren voete Vele minlic ende soete Ghenade ghenade gheweldich here Mine sonden rouwen mi sere Het en was nie man gheboren 1425[regelnummer] Mochtic. hine ware met mi verloren Ic nie dien man met oghen ne sach Mochtic volbringhen hine met mi lach
[Folio 10va]
Ghenade ghenade geweldich here Mine sonden rouwen mi sere 1430[regelnummer] Ic was behaghel ongemate fier In mi was prijs roem ende dangier Ic hadde onwert oemoedichede In mi was alle ledichede Genade genade geweldich here 1435[regelnummer] Mine sonden rouwen mi sere Inne horde misse no getide Ic was in ledicheden blide Ic hadde onwert dijn gebot Ende dijn gewerken al waerstu god 1440[regelnummer] Genade genade geweldich here Mine sonden rouwen mi sere Here mine sonden rouwen mi Ic wilre afstaen dat seggic di Inne mochte di geseggen niet 1445[regelnummer] Algader dat mi de werelt riet Genade genade geweldich here Mine sonden rouwen mi sere Du seits het en es niemen in die mesdaet Maer staet hijs af ende suect raet 1450[regelnummer] Hine si quite comt hi te di Of dit waer es ghehore mi gOd onse here hi hoerde al toe Ten sonden die maria seide doe Hi wiste haer herte hi horde haer tale 1455[regelnummer] Haer ghedachte bequam hem wale Met bliden oghen hise aensach Hi hiefse op daer sie op sine voete lach Dit sach symeon die was sijn wert Hem wondres harde hi hadt onwert 1460[regelnummer] Symeon seide siet wonder siet Wiste dese man al dat ghesciet Wiste hi des wijfs mesdaet wale Hine soude niet horen hare tale Des wijfs sonden sijn so groot 1465[regelnummer] Hen es niemen leuende no doot
[Folio 10vb]
Wiste hi de sonden die si heeft gedaen Dat hise haer vergaue so saen Onse here keerde hem te symoene wert Ende sprac minlike hi was sijn wert 1470[regelnummer] Symon seit hi du heefs messeit Van desen wiue die op mi screit Omme dit wijf so vragic di Ene sake symon antwerde mi Ofte .ij. mans sculdich waren scout 1475[regelnummer] Ende sie ne hadden siluer no gout Deen .lx. penninge sculdich ware Dander v^c. van seluer sware Den genen diemen sculdich ware dese haue Of hijt hen beiden dan vergaue 1480[regelnummer] Welc hare soude meer verlieuen den man Die hen die scout vergheuen hadde dan Symon seit here of ghijt gebiet Den genen dien hi meer hauen verliet Symon seit god du hefs waer geseit 1485[regelnummer] Dese besondichde die op mi screit So ic haer meer verlate ic segge di So sie meer sal vleien mi Ic ben god marien sone Ic ben ghereet ghenade te doene 1490[regelnummer] Die van sinen sonden gaet te rade Ende op mi met herten roept genade Ende in berouwenesse sy Ic horse gherne dat seggic dy Maria seit god houds di ane mi 1495[regelnummer] Dine sonden sijn vergeuen di Van dinen sonden wiltu staen Bedie sijn sie di vergeuen saen Diin berouwenesse es groot Bedien ghehordic di inder noot 1500[regelnummer] Maria sciet in hoghen ende blide Van gode dien si haer sonden belide Dies auons herbergede god aldaer In symons huus ic segge .v. waer Smorghens vroech waest palmsondach
[Folio 11ra]
1505[regelnummer] Onse here gereit hem so hi ierst mach Xij. jongeren ginghen met hem Hi leidese tote iherusalem Hi ginc hen vroetheit al geuende Nochtan ghinc hi al beuende 1510[regelnummer] aLse onse here quam tote oliueten Een berch was alsoe geheten Tween jongeren hi dese tale seide Die hi vercoren hadde beide Gaet alle beide en luttel voert 1515[regelnummer] Te iherusalem binnen der poert Eene eselinne seldi venden daer Haer voelin met ic seggu waer Ontbentse ende brincse tote mi Dat ic v segge ic wille dat si 1520[regelnummer] Segt het geboet v god Die iongeren doen beide sijn gebod Sine waren traghe no lat Si liepen stappans in die stat Sie daden dat hen was beuolen 1525[regelnummer] Sie vonden deselinne ende haer volen Deselinne stont daer ember gereet Soe wie sose hebben mochte hi reet Sie was der werelt al gemene Sie hadde .v^c. heren allene 1530[regelnummer] Hort hier grote oetmoedichede Die onse here van hemel dede Dat hi soegedaen vee ontboet Wilde hi dies waer hem lettel noet Sine iongheren brachten tote hem 1535[regelnummer] Deselinne van iherusalem Ende seiden here oft ghijt gebiet Ghedaen hebwi dat gi ons hiet Onse here hine scaemde hem niet Deselinne hi sadelen niet ne liet 1540[regelnummer] Hine wilde stegereep breidel no spore No ghereide no voerboech vore
[Folio 11rb]
Hy ne wilde hernasch no diere gesmid[e] Peller sindael goutbort no side Hi hadde onwert roem ende prijs 1545[regelnummer] Hi was vader van paradijs Sine iongeren gingen tenen rade Sie namen haer cleder haer gewade Sie leidense stappans onder hem Dus voer onse here tot iherusalem 1550[regelnummer] aLse tfolc in die stat vernam Dat daer die gods sone gereden quam Hem quam iegen groet ende clene Ionge ende oude alle gemene Ionge ende oude wijf ende man 1555[regelnummer] Namen hare cleder dan Ende worpense midden den rinc Daer deselinne daer god op reet ginc Sie volgden processie viere ende viere Sie spleten risere van oliuiere 1560[regelnummer] Die doen bloeiden in dien tide Sie worpense onder deselinne blide Doe dus ons here daer was ontfaen Ende dese processie was ghedaen Al tfolc dat daer gegadert was 1565[regelnummer] Sanc met hoger stemmen ende las Willecome geweldich here ende man Dit riep elc kint al daer het ran Sie songen alle die daer waren Maer god die daer quam gevaren 1570[regelnummer] Weende vele sere al dat hi mach Alse hi die stat binnen sach Doe hi voerden tempel quam So groten rouwe dat hi daer nam Dat siin herte waende scoren 1575[regelnummer] Als hem die sorghe quam te voren Doe hire in quam hem hadde onwert Dat hi daer cramen sach in gespert Dat men daer in cochte ende vercochte Onsen here dat groot onwet dochte 1580[regelnummer] Dat waren ioden die geboose Die inden tempel maecten noose
[Folio 11va]
Sie vercochten daer in broet ende wijn Sie waren onwettich ende noch sijn Gi heren seit god hier es mesdaen 1585[regelnummer] Ic segdu al soudi mi vaen Dit huus soudi met rechte eeren Hier in soudi alle leeren Hoe gi v sout te mi bekeren Hier in soudi v weldade meerren 1590[regelnummer] Hier in soudemen aenbeden mi Elc man die in sonden si Het soude v moederkerke sijn Daer gi in vercoept broed ende wijn Nu eest worden een tauerne 1595[regelnummer] Al vol van scoppe ende van scerne Daer binnen sceldi ende liecht Daer gi meneghen in bedriecht Wie was die tierst began Dat dit soude sijn een coephuus dan 1600[regelnummer] Ghine vroet niet wel gi sijt verraect Dat gi vanden temple een coephus maect Doe hi dit seide si saghen op hem Soe vreselike die waren daer in Want sie waren alle veruert 1605[regelnummer] Sie togen bisiden alle wtwert Hi liet wt sinen oghen gaen Eene claerheit op hen allen saen Daer ionge ende oude wijf ende man Ruumden den tempel stappans dan 1610[regelnummer] Doe quamen cropele ende blende Daer quam die moede metten kinde Crancke sieke stomme ende doue Hi gansese daer dies hadden geloue Dit was in palmsondaghe gesciet 1615[regelnummer] Als tsauons quam hi en blefer niet Hi ginc te betanien van iherusalem Sine iongeren keerden alle met hem
[Folio 11vb]
Sanderdaechs waest maendach Onse here gereit hem so hi ierst mach 1620[regelnummer] Hi kerde weder ten tempel wert Metten ioden hi disputeren begert Alse hi ten temple quam gegaen Sine herte waent clieuen saen Dies hi daer in die selue weke 1625[regelnummer] Moeste sijn gepassijt iammerleke Als hi den tempel binnen sach Ay herte seit hi ay lase o wach Herte dattu hier deluen salt Al sijn bloet dat hem verwalt 1630[regelnummer] Ay suete herte wat sal dijns sijn Hoe sal siin die passie dijn Du salt anden cruce saen Scoren clieuen sonder waen Herte mochstu spreken als .j. man 1635[regelnummer] Hoe herde soutstu claghen dan Dine passie ende dinen noot Die in corten tide sal wesen groot Onse here vant ioden vele gereet Die op hem waren fel ende wret 1640[regelnummer] Die geselscap hadden gesworen Sie leiden hem menich exemple te voren Sie seiden ghemeenlike alle dan Segge ons dat wi di vraghen man Wanen comt di dit geual 1645[regelnummer] Dattu dese gratie hefs ouer al Segge ons dine voere ende dine vaert By wien sijn dese miraclen oppenbaert By wien sijn dese miraclen groet Du does enen opstaen die was doet 1650[regelnummer] Ende enen sien die noeyt en sach Wy wonderen hoe dit sijn mach Du does die cropele rechte gaen Alle sieke ganstu saen Du does man al dinen wille 1655[regelnummer] Segt ons bi wien. en swighe niet stille
[Folio 12ra]
oNse here antwerde ic segge .v. Al dat gi hier mi vraget nv Mine gracie ende mijn geual Willic baren ouer al 1660[regelnummer] Mine ghewerke ende mine daet Dats waerheit trouwe oemoet raet Alle mine saken ende mine gebode comen van mi ende van gode Ic ben god marien sone 1665[regelnummer] Ic ben gereet genade te doene Ic ganse sieke. blende ende doeue Dies met herten hebben geloeue Trouwe ende wet dat es mijn wille Di mi onwert sal in die hille 1670[regelnummer] Die mi vleiet hi es vroet ende wijs Hi sal met mi int paradijs Als onse here gesproken heeft Ende den ioden antwoerde gheeft Stappans eer hi danen geet 1675[regelnummer] Sie brachten hem een wijf geleet Die ioden ende seiden met enen monde Man dit wijf es vonden in sonden Wi hebbense vonden in hoerdoeme Onse wet gebiet dat mense verdoeme 1680[regelnummer] Moeyses hi maect ons mare Daer dus een wijf vonden ware Die in hordoeme ware gevaen Dat mense soude stenen saen Wat segdi man van derre dinc 1685[regelnummer] Vanden wiue die staet inden rinc Selen wise stenen alset es geset Dat wise stenen gebiet onse wet oNse here antwerde wale des Ende sprac so wie sonder sonde hier es 1690[regelnummer] Hi worp den eersten steen op dat wijf Ende dus stene haer sondich lijf Als hi dit seide si waren verueert Sie togen gemeenlike udewert Sie lieten dat wijf allene staen
[Folio 12rb]
1695[regelnummer] Die sie in hordoeme hadden geuaen Daer omme scieden si alle en woch Dat daer ne was niemen hi en ware doch Met sonden beseit ende beuaen Hier omme togense udewert saen 1700[regelnummer] Onse here seide wijf waer sijn sie geuaren Die iegen di ende mi hier waren Si voeren wech seise oft gi gebiet Als gi den steen op mi worpen hiet Si waren met sonden alle besmet 1705[regelnummer] Al geboet mi te stenene haer wet Wijf seit god wes vorwert meer reyne Ne wes meer met manne gemeyne Dine sonden siin vergeuen di Hout mijn gebot ende vleie mi 1710[regelnummer] Onse here daer te bliuene niet en geert Hi keerde te bethanien wert Daer hi herbergde ende lach Sanderdaechs waest disendach dEs disendaechs god onse here 1715[regelnummer] Met iongeren die hem daden ere Keerde weder ten temple binnen Daer nauwen raet die ioden hadden inne In welker wijs het mochte gescien Ende siet alle mochten sien 1720[regelnummer] Hoe ihesus mochte verslegen sijn Dit hadde elc iode int herte sijn Het en mochte vertellen tonghe Hoe die ioden oude ende ionge Pensden ihesum te verslane saen 1725[regelnummer] Sie quamen tote hem gegaen Sie seiden man segge ons waer Wi willent weten oppenbaer Bestu god en hels ons niet Soe weetstu man al dat gesciet 1730[regelnummer] Ic ben seit hi god ic maect v maer Ic ben gods sone ic segge v waer Ic ben v here en hels v ni[et] Ic weet uwen raet ende [al dat gesci]et
[Folio 12va]
Sie antwerden wine roeken wat gi segt 1735[regelnummer] Noch wat talen gi voer ons legt Cume wetti half dat gesciet Wi gheloeuen v vele men dan niet God seide grote redene hen Nochtan sie geloefdenne in lanc so men 1740[regelnummer] Elc iode seide al sijn macht Dit duerde tote in die donker nacht dEs gonsdaechs judas hine liets niet Also als hem die duuel riet Stappans als hi gesach den dach 1745[regelnummer] Merct hi hoe hi ihesum verraden mach Al sijn ghepens al sijn gedachte Dat was dat hi poechde ende wachte Hoe sijn mester mach wesen doet Merct hier giericheide groet 1750[regelnummer] Ten ioden ginc donwettege iudas Die een der .xij. apostolen was Heren seit hi hort na my Dat ic v segghe merct wat si Wat salic hebben wat sals sijn 1755[regelnummer] Ocht ic v leuere den mester mijn Ocht ic v goede pennewerde doe Wildi spade wildi vroe Wat salic penninge hebben Ochtic v heme geleueren can 1760[regelnummer] Gi heren ochtic uwen wille Van desen man volbringe stille Wat wildi dan geuen mi Ofte hi bi mi verraden si Dit seide iudas dien ioden bout 1765[regelnummer] geloefden hem siluer ende gout Dertich penninge seluerijn Ochte hi verriede den mester sijn Donwettege ioden wreet ende fel Seiden iudas gi segt wel 1770[regelnummer] [Jud]as dat vinden wi in onsen rade [Wij]st ons den man morgen auont spade
[Folio 12vb]
dOen quam die witte donderdach Onse here stont op daer hi snachs lach Sine iongeren hi gegadert heeft 1775[regelnummer] Soete tale hi hen allen segt Kinder seit hi gaet bat voert Omtrent ende binnen der poert Kinder seit hi hoert na mi Dat ic v segge ic wille dat si 1780[regelnummer] Coept ons spise ende niet te vele Suect ons ene reyne sele Daer wi tauont ons in resten Sonder striden ende vechten Daer gi tauont in paeschen et 1785[regelnummer] Ende ic met v dat es de wet Sie daden alle sinen wille Si gingen in die stat ende swegen stille Elc cochte spise daer hise vant Ende gereidense al te hant 1790[regelnummer] Alst inden auont quam wel spade Tonsen here quamen sie te rade Here weltijt wildi eten gaen Onse here seit als gi wilt saen Sie gingen stappans sine letten niet 1795[regelnummer] Sie daden dat hen haer mester hiet Sie rechten die tafele kersen daer op Broet scotelen ende enen cop Alse midden hare werscap saten Daer sie gemeenlike in paescen aten 1800[regelnummer] Onse here seide ene tale te hen Daer elc toe dede sinen sen Kinder seit hi ic ben v vrient Mi hebdi vele wel gedient Ic hebbe v lief ende gemint 1805[regelnummer] Maer uwer een es sduuels kint Hi es vermesamt ende verloren Hem ware beter ne ware hi geboren Hi et met mi hi lacht hi spelt
[Folio 13ra]
Sine gedachte hi wel mi helt 1810[regelnummer] Ic segt hem ic wist vele eer Eer hi nie gepensde dit seer Hi es vreisam ende fel Mi te verradene es hi snel Die wile vruchtic ende wachte 1815[regelnummer] Die vrede gaet wt in derre nachte Hi es ewelike verloren Donreyne hille heeft hi vercoren Hi es onwettich ende versuoren Hem waer beter ne waer hi geboren 1820[regelnummer] Hi sal mi verraden saen Den ioden. die mi selen slaen Mi selense geselen ende vaen Mijn lijf salre in sijn verdaen Onse here en seide niet meer 1825[regelnummer] Sine iongeren hadden alle seer Elc stont op ende seide benix iet Onse here seide negi niet Elc wiste wel dat hijs quite was Sonder allene donwettege iudas 1830[regelnummer] Hi seide techterst here benict dan Onse here antwerde dat segstu man Iudas seit hi du ets met mi Ic sal verraden sijn van di Dijn verradenesse dat es groet 1835[regelnummer] Du saltre om hebben die bitter doet Onse here nam een broet te hant Ende seinet met siere heiliger hant Kinder seit hi neemt alle nv Van desen brode dat seggic .v. 1840[regelnummer] Et dit broet al sonder vaer Het es mijn vlesch ic segge .v. waer Hi nam den cop daer na te hant In sine gebenedide rechte hant Kinder seit hi dits mijn bloet 1845[regelnummer] Drinct et dit willic dat gi doet
[Folio 13rb]
Alse ghedroncken hadden daer af Eene soppe hi elken gaf Ende oec ene soppe ontfinc iudas Die soppe sine verdoemnesse was 1850[regelnummer] Dit es mijn vlesch seit hi ende mijn bloet Ic wille dat gi dese wise doet Ende doese inden name Dus sal messe gesongen sijn Dat was deerste wile die noyt was 1855[regelnummer] Dat men messe sanc ofte las Die dach was ter goeder tijt Salich heilich gebenedijt Als dit was ghesciet ende gedaen Sie stonden op vander tafelen saen 1860[regelnummer] Sine waren niet sat in scine Noch droncken oec van wine Onse here hi dede wale Hi nam .j becken ende ene dwale Kinder seit hi sit te ringhe nv 1865[regelnummer] Dat ic wille doen gedoeget v Hi nam claer water al te hant Ende goet int becken met siere hant Hi dwoech haer voete met bliden wille Oetmoedelike si swegen stille 1870[regelnummer] Alse hi te peters voeten quam Ende als hise in sine hande nam Peter beuede ende was verveert Here seit hi trect achterwert Gi sijt onse here wi sijn v knechte 1875[regelnummer] Gi en selt onse voete niet dwaen met rechte Van v gi sijt so salich here Ne selen wi niet ontfaen dese ere Hoe soudi comen te dwaen onse voete Ghi sijt so minlic ende so soete 1880[regelnummer] Wildi oec aengaen uwen wille Doet v gebod ic swighe al stille Gi sijt so wetende ende soe vroet Ic weet wel dat gijt doet om goet
[Folio 13va]
Peter seit hi ne duoegicse niet dy 1885[regelnummer] Du en souds niet hebben lof met my Ghedoech di peter ende suich al stille Laet mi volbringhen minen wille Here seit peter ic ben ghestilt Doet van mi al dat gi wilt 1890[regelnummer] Ocht gi wilt dwaet met mijn houet Al dat gi mi doet ic louet Doen seide onse here gi sijt mijn vrient Kinder seit hi ic hebbe .v. gedient Ic hebbe geduegen uwe voete 1895[regelnummer] Oetmoedelic ende soete Dit boekin hebbic v gegeuen Also lange als gi sult leuen Seldi dus doen dies hebben noot V. loen daer af sal wesen groot 1900[regelnummer] Maer enen scedic buten v Ghiereghe iudas dat bestu Als iudas dit horde ende sach Hi geet bi siden so hi ierst mach Hi ginc ten ioden al met nachte 1905[regelnummer] Als hise vant hem was vele sachte onse here bleef daer ende sine vrient Dien hi hadde stappans gedient Hi seide hen allen soete tale Hi nam orlof scone ende wale 1910[regelnummer] Kinder seit hi lieue vrient Wetti twi ic v hebbe gedient Waer omme ginic v voete dwaen Dat willic v segghen saen Ghi heet mi meester ende here 1915[regelnummer] Gi segt wel gi doet mi ere Ic hebbe gedient v allen hier Oetmoedelike sonder dangier Dus willic dat gi onderlinghe Sijt in plaetsen sijt in ringhe 1920[regelnummer] Weest oetmoedich ende gevriende
[Folio 13vb]
Bedie waest dat ic v diende Al dat ic segge dats waerhede Ic seggu wats oetmoedichede Oetmoedichede dat es .j. rijs 1925[regelnummer] Dat elken leet int paradijs Oetmoet es .i. vrouwe alre docht Soe wiese hout in siere iocht Minen vrede dien geuic v Dien hout ember ende nv 1930[regelnummer] Ic ben verde trouwe ende raet Verde beuelt al ouerdaet In dese maniere in derre wijs Sermoende onse here van paradijs Sinen iongeren die waren daer 1935[regelnummer] Al dat hi seide dat was waer kInder seit god hort na mi Wy moeten sceden ic ende gi Het en sal nemmer daghen so saen Men sal mi tiersten hebben geuaen 1940[regelnummer] Gi selt siin in groten sere Als men mi veet ic ben v here Men sal mi vernoey doen ende wee Dan seldi sceden als vee Dit sprac ihesus si waren in rouwe 1945[regelnummer] Binnen hen allen soe was trouwe Peter stont op met groten sere Ende antwerde dus onsen here Here sidi verraden ofte geuaen Ic sal met v sin ofte gaen 1950[regelnummer] Ghi sijt mijn here ic ben v wert Des en treckic niet achterwert Peter seit god hoghe tale du hefs Ic weet wattu geseit hier hefs Du best nv met dire talen bout 1955[regelnummer] Du salt tierst vlien als men mi hout Peter seit hi houstu ane mi Ghescien sal dat ic segge di
[Folio 14ra]
Eer te nacht die hane singen sal Du sals gelogent hebben al 1960[regelnummer] Mijns .iij. werf eer middernacht Ia peter dien men wacht Dijn mont sal liegen dijn herte niet Peter ic weet al dat gesciet Die doet es bitter die haer mach ontgaen 1965[regelnummer] Bedi saltu mijns lochenen saen Peter antwert hoe mochte dit sijn Ic en weens niet in die herte mijn Dat ic uwes lochene in derre nacht Soe minnic v met al miere cracht 1970[regelnummer] Peter seit god en ontsiet v niet Elc vrucht die doet daer hise siet Peter gi en selt met mi niet gaen Daer men mi sal leiden saen ONse here viel in kniegebede dan 1975[regelnummer] Hi vruchte sijn doet want hi was man Daer hi bedde al daer hi lach Onse here weende al dat hi mach Daer hi ieghen deerde leit Vele jammerlike dat hi screit 1980[regelnummer] Daer hi lach op derde sie beuede Ende cloef voer hem. dit was sine bede Vader seit hi vanden trone Die mi sendes vele scone Ane die macht van hemelrike 1985[regelnummer] Om te quitene arme ende rike Vader seit hi du best mijn here Ic ben beuaen met groten sere Mijn herte cliuet mijn anxt es groet Ic vruchte die bitterlike doet 1990[regelnummer] Ocht wesen mach so quite mi Van deser noet des biddic di Hen was nie man no wijf Die in dese werelt ontfinc lijf Hi en vruchte passie ende doet 1995[regelnummer] Anxt torment vernoey ende noet
[Folio 14rb]
Vader want dit waer es Hen es niet wonder al vruchtic des Al vruchtic mine passie dan Ic ben vleeschelijc als .j. ander man 2000[regelnummer] Verre mi die bitter doet Quite mi van deser noet Soe seggic ochte het es versien Ochte het nemmer mochte gescien En maechs niet wesen here no sijn 2005[regelnummer] So moete gescien den wille dijn En mach niet wesen iegen di Al dijn gebod gescie van mi Nu moete sijn van mi dijn wille Ne mags niet sijn ic swighe al stille 2010[regelnummer] Dinen wille ende dijn gebod Willic doen want du best god Dat si v condich alle gader Dat hi es here ende vader Maer daer omme ontraet hi de doet dan 2015[regelnummer] Dies hi was vleeschelijc als .j. man

Vorige Volgende

Vanden levene ons Heren

Vanden levene ons Heren [1034-2015]

Over het gehele werk

auteurs