Kroniekje van Hoegaarden 1670-1759

1703

Jtem Tusschen den 7 en(de) 8 December 1703 isser opgestaen sullcken tempeest van wint, ende smorghens wesende den feestdach Jmaculate Conceptionis B(eate) M(arie) V(irginis) ontrent ses vren coomende die religieusen vanden Choor soo sijn die mueren met de Cappe van die twee Panden

[p. 13]

tot Thienen door den wint te neder geslaghen, soo dat Pater Joannes Busseniers geboortich van Louen en(de) soone van het Conuent van Ophem daer woonende ende lest van die Choor Coomende daer onder geuallen soo dat hij teenemael was gequetst sijn been gebrooken en(de) arm en(de) het heel lichaem bijnaer geplettert soo dat hij daer wijnighe daghen daer naer is gestoruen. daer een onspreeckelijcke schade geschiet, aen huijsen en(de) boomen oock aen de scheepen op See.