[989]
Arnoudt de Jonghe, sone van Bouden den Jonghen, hy was de vijfste grave van Vlaenderen, hy hadde te wive Suzannen, des conincx Berrengiers dochtere van Lombardyen, ende hy wan an hare den vromen prinche Boudewine metten Schoene baerde; hy regierde Vlaenderen xviij jaer, onder twe coninghen van Vrankeryke, Lottarijs sconincx Lodewijcs sone, ende oec onder den coninc Lodewijck, des vorseiden conincx Lotterijs sone; dese grave Arnoudt starf in 't jaer Ons Heeren IXc ende lxxxix, ende leght te Sente Pieters te Gendt.
Auteursrechtvrij